JOSHUA 4:7 - Sumi Naga CL (Re-edited) Bible (BSI)

⁷ nongu no panongu vilo Ampeu Puloshoqhi Bohu zülo, kishi Jordan ghoki no qowu move keno pilo. Kughou ti huno Jordan ghoki katha keno, Jordan züghi no kotha kütüta shive. Tighenguno atu hipaqo no alholo kümsüchile kepu michike.”

BAIBEL (BSI)

⁷ nonguno panongu vilo nongu ye AMPEU wu Puloshoqhi Bohu pe aghoki katha kelo Jordan no qowumo veke pilo. Atu hipaqono hile kiu shivekeno alhokuthu Israilmi lau amichipu shi ache nani.”

JOSHUA 4:7 Referans Kwoze

IPEKULU 12:14

“Hipa tsala ye nongu ghenguno kümsümamo keu tsala lakhi shi nani, eno Ampeu lau tiqhetini lakhi shi nongu no hipau pechelo, tiqheli kümtsü lo ayezah lakhi shi nongu no hipau tiqhetini peni.

LESHELE 111:4

Pa no Paw akümzapu kümlaqo kümsü lupe acheni; Ampeu ye küpükini eno kimiyekini ke.

AKIKIHI 16:40

eno tino Israelmi lau amchipu shiche pelo; ti ye Aaron kughuko kumo aye, ashoumi ye khumu axokütsüngü piti nike Ampeu zülo ighimlae ipikeu kiqi shipelo tikumo aye, Korah ngo paw timiqo toi kütsave nani, hi ye Ampeu no Moses vecheo Eleazar vilo pi keu ke.

IPEKULU 28:12

Eno Israel nuliqo kümsükulu shi atu tiküma pesü abighi lo xipu keu ephod phi shou qhilo. Aaron no Ampeu zülo panoqo je kümsükulu shi pa bighi hula hila xapuni.

1 Kor. 11:24

eno kughou Alhou shikimthi tsü keno Pa no ti süpho eno pi, “Hi ye I phimpi, nongu ghenguno tsüve keu ke. I kümsüchilelu ghi hi shichelo.”

ISAIAH 66:3

“Khuu no amshitsü heqhipe mllani keno, pa ye timi heqhiveke paphie; khuu no ambe heqhipe mllani keno, pa ye atsü kuo hechheve tsüke paphie; khuu no athi kümlla tsüni keno, pa ye awo ji pesü mlla ake paphie; khuu no tsüngqüikeu ta pesü kümsükulu kümllagho shi mllani keno, pa ye ajulho kümghatsü ake paphi ke. Timi hipaqo ye pano laghi kisheluve ake, eno panongu ngulho ye aphikümqhüpu hitoi keu lono alovi cheni.

JOSHUA 4:6

eno hi no nongu gholo amchipu shipenie. Hithiu nongu tianuliqo no ‘Hi atuqo ye kiu kiqi kea?’ ipi nongu vilo ighiju aye,

IPEKULU 30:16

Israelmi launo axine pevekütsü pisa luni eno ti ye kuposhukulu phiki kümlapu ghenguno tsüveni, tishino tipau no Ampeu zülo Israelmi kümsüchilelu keu shi nani, tishikeu lono nongu küxü shikimthe lunani.”

AKIKIHI 17:5

Tileno I no khuu kisheni keno, pa küsü huno mini ipeghive nani. Tishikeu lono Israelmi no o shou muchho chekeu I no lakhave tsüni.”

ZAKINIU 16:3

Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.