JOSHUA 3:5 - Sumi Naga CL (Re-edited) Bible (BSI)

⁵ Tishino Joshua no timiqo vilo pi, “Nongu shikimtheve lo, kughengu Ampeu no thoghiu nongu gholo akümzapu kümla mla nani,”

BAIBEL (BSI)

⁵ Joshua no timiqo vilo pi, “Nongu shikimtheve lo kughengu AMPEU no thoghiu nongu gholo akumzapu kumla mla nani,”

JOSHUA 3:5 Referans Kwoze

JOSHUA 7:13

Ithulo, timiqo shikimthe no pilo, ‘Thoghiu ghenguno nongu ampi kishekimtheve lo; kughengu Ampeu Israel Lhou no ishi piani, “Nongu gholo kütsave lopi keu nhemghaqo ani, O Israel. Nongu no anhemgha tipaqo ikhive moke kutolo nongu ye aghümi zülo puthugho lumo nani”

ACHINE 20:7

Tighenguno nongu kishekimthe no akimthe shilo, kughengu Ni ye Ampeu nongu Lhou ke.

JOYIL 2:16

timiqo hekütsü lo. Aqoahomi kishekimthe tsülo; layemi kukumqo lo; itimi eno akichhelo kupu nga kutolo hekütsü lo. Külapuu no pa chebo qhivelo, külaliu no li kungo-a qhivelo.

SAMUEL ATUGHIU 16:5

Pa no pi, “Külakishi lono Ampeu lau aghakishi tsüniye ighi ani. Nongu ampi kishekimthe lo, eno I gholo aghakishi lo ighilo.” Pa no Jesse ngo pa nuliqo kishekimthe no aghakishi lo kusü.

John 17:19

Eno panoqo ghenguno I no ni ampi kishekimthe ani, tishianguno panongu ghi kuchou lono pano qhukimthe peniye ke.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

JOSHUA 3:13

Eno kughou Puloshoqhi Bohu kipemi no azü lo apukhu nesüni keno, ayeghiqha Mpeu no Jordan zülo ngoluve nani, eno Jordan zü huno qowu move nani, eno qoiqi chekeu züno kuchope kunguu ikuve nani.”

JOSHUA 3:15

eno achinemi Puloshoqhi Bohu peche keqo no Jordan tove no panongu pukhu azü lo nesü kemtsa (ti ye ghile tusho shia eno aghoki ye amkü kutolo qoa),

AKIKIHI 11:8

Timiqo no hokümxa lo itsü kichewu no atuqu lono tsüghü momu apikhi lono kubove no tipau pesü asho shi bechu che. Tipau micheju kelo olive thazü pesü kiteve keu sho toike.

JOSHUA 3:4

Tishikeu lono nongu no khipa la wukepu keno ithi nani, kughengu nongu ye püzüu hipa la ighi mphike. Ikemu Puloshoqhi Bohu kupunu wumono nongu dolo kilometer lakhi toike qhino wulo.”

JOSHUA 3:6

Tithiu Joshua no achinemi vilo pi, “Puloshoqhi Bohu pesü timiqo züu wulo.” Ikehu panongu no ti pesü timiqo züuno chewu.

LESHELE 77:15

O küka vecheo Nono Jacob ngo Joseph nuli Ow timiqo qhüchile lue.