JOSHUA 3:16 - Sumi Naga CL (Re-edited) Bible (BSI)

¹⁶ azü lashou no qoiqighi akeqo no qomono kuchove. Zarethan phivilo Adam mishighüna kutolo azü choluve eno Arabah Züghi ngo Amti Züghi lo qowu akeu ghi lakhave tsüe. Tishino timiqo no kathasü Jericho ghüngü lo ikuve.

BAIBEL (BSI)

¹⁶ Achinemino azulo nesuke mtsa azuno qomono kucholuve eno Zarethan thiu aphughi lakhi Adam kutolo azu choluve. Akithi Zughi kutolo qoiqi akeu hu suthave eno timiqo huno Jerikho ghungulo katha ipeghi luve.

JOSHUA 3:16 Referans Kwoze

JOSHUA 3:13

Eno kughou Puloshoqhi Bohu kipemi no azü lo apukhu nesüni keno, ayeghiqha Mpeu no Jordan zülo ngoluve nani, eno Jordan zü huno qowu move nani, eno qoiqi chekeu züno kuchope kunguu ikuve nani.”

KUKAMI ATUGHIU 7:46

Akükau no hi kümtsü Jordan qa lo Succoth ngo Zarethan küma dolo ayi lhophe chekeu-a lono mlaphe süghi.

KUKAMI ATUGHIU 4:12

Ahilud nu Baana no Taanach, Megiddo eno Jezreel qhou Zarethan phivilo Beth-shean kümtsü eno Beth-shean lono Abel-meholah kuto eno tino itaghi Jokmeam ghüngü kutolo.

BOTHUBO 14:3

Hipaqo no Siddim Khila (ti ye, Amti Züghi) lono panongu küka kumghoe.

LESHELE 114:3

Akuhu Züghi no ti ithulu no kuhave; Jordan no qowu akeu tave.

ZAKINIU 1:1

Jordan kukuu asayeqha, ti ye Paran ngo Tophel, Laban, Hazeroth, eno Dizahab dolo Suph ghüngü lo Arabah lono Moses no Israelmi vilo pikeu tsake.

AKIKIHI 34:3

Apeu ghuthu no Edom phivilo Zin sayeqha, eno apeu lughi ye kipelau Amti Züghi shekhau no huthuni.

LESHELE 77:19

O laghi no azüghi katha wue, O laghi no azüghi kije kathae; ikeghi O pukhu nepa ithumlae.

LESHELE 74:15

Nono azüpuki eno aghokitiqo vephetsü; Nono qotamo keu ghoki pelo qhaivepe.

LESHELE 66:6

Pa no azüghi pesü qhaike yeghi kughulhove tsü: panongu no apukhu lono azüghi kathawu ke. Tile ningu no Pa gholono alovie,

LESHELE 29:10

Ampeu no azüghi shou kükalakhü lo iqa ani; Pa ye alhokupuju akükau shi kükalakhü lo iqa ani.

JOSHUA 15:2

Ti apeu lughi no Amti Züghi shekha küdau no huthusü wue, eno ti azümkü qhalo apeu jupuwuke küdau ke.

ZAKINIU 3:17

Jordan ghoki no aghuthu shino Arabah ghike, ti ye Chinnereth lono Arabah Züghi, Amti Züghi eno kipelau Pisgah pukhuphi kutolo ke.

IPEKULU 14:21

Tileno Moses no azüghi shou pa u chhophe, eno Ampeu no puthotsü kipela mülhü kümka pesü azüghi fuchile puwove tsü, eno azüghi pesü qhaike yeghi shive tsüno azü kijethave tsüe.

LESHELE 33:7

Amoqhe puku püake toi Pa no azüghi lo azü hekütsü; Pa no azüghi kutho pekütsüpe qhie.

LESHELE 114:5

O azüghi, kiu no o küpünave keno no ye pove kea? O Jordan, no ye kushiye qowu move kea?

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

EZEKEL 47:8

Pa no I vilo pi, “Azü hipau ye kipela tokukujo küdau qowu ani eno Arabah lo qoiqi no Akithi Züghi lo ilove ani; kughou azü no azüghi lo qoilove keno, azü ye tsüghükhüive nani.

NAHUM 1:4

Pa no azüghi lomipi no qhaive tsü; Pa no aghoki kümtsü qhaive tsü; Bashan eno Carmel ye ighüyivae; Lebanon xamunu ye ighüyivae.

HABAKUK 3:8

O loghu ye aghokiqo shou keshea, O Ampeu? Kughou Nono Ow khurshi eno xakulu khurkuluqo sa keno, O ghakighide ye azüghi shou akeo aghokiqo shou akea?

IPEKULU 14:22

Israelmi no azüghi mta lo qhaive keu yeghi lono wuve, panongu ghenguno azü huno au ajeu ngo piyiu aliwo kuptu shi ngove tsüe.

IPEKULU 14:29

Ikemu Israelmi ye azüghi mta lo qhaike yeghi lono chesü wuve, azü huno pano u ajeu ngo piyiu aliwo kuptu shivetsü.

IPEKULU 15:8

O nigi lo tuthu huno azüghi khepucho luve; züqozü no yimi ikughive; azüghi polalo azü no chethove.

JOSHUA 4:22

nongu no nongu tianuliqo vilo, ‘Israelmi no ayeghi qhai keu lono Jordan kathae’ ipi ithi pelo.

JOSHUA 5:1

Jordan ghoki kulolau Amorimi kükami eno azüghi mkülo Canaanmi kükami kümtsü Ampeu no Israelmi no Jordan kathalu mphi kutolo Ampeu no qhaive tsükeu sütsa chilu kemtsa, panongu mlo hauve eno Israelmi ghili kümsüpe aghungu aphi ije move.

JOSHUA 12:3

eno Arabah lono kipelau Chinneroth Züghi kuto, eno Beth-jeshimoth küdau no Arabah Züghi, Amti Züghi, apeu küdau Pisgah toghi pukhu kutolo.

JOSHUA 16:7

Janoah lono Ataroth ngo Naarah lo iqi no Jericho tove no Jordan lono kishekha.

XAKUTHAMI 7:22

Kughou panongu no afuko 300 igha keno, Ampeu no aghümi zütakikihi pelo pano dolono ghiqhikile thuvepe. Ghüshimi no Zererah küdau Beth-shittah kutolo pove eno Tabbath phivilo Abel-meholah kutolo pokhave.

LESHELE 78:13

Pa no azüghi kijethave no panoqo pelo kathape, eno azü pesü amoqhe püake toi puthugho peke.