JOSHUA 24:31 - Sumi Naga CL (Re-edited) Bible (BSI)

³¹ Joshua no xüake tivilo eno sakiphemi Joshua nguno akushuu xükeqo küxü tivilo, Israelmi no Ampeu qeche, kughengu panongu ye Ampeu no Israelmi ghenguno shitsü keu kümtsü ithi cheke.

BAIBEL (BSI)

³¹ Joshua no xuake tivilo Israilmi ye AMPEU qeche eno pano thiveke thiu panongu sakiphemi kuxu tivilo tishi ache, kughengu panonguye AMPEU no Israilmi ghenguno shitsukeu kumtsu ithi acheke.

JOSHUA 24:31 Referans Kwoze

XAKUTHAMI 2:7

Joshua no xüake kutolo, Israelmi ye Ampeu huthu ache, eno pa thiu layemi khunoqo Ampeu no Israelmi lau akümla kije mlatsü keu ithulu keno, pano küxü tivilo Israelmi ye Ampeu huthu cheke.

ZAKINIU 31:13

Pano tianuli khunono Ayezah hipau mtha keno, tipaqo ghi chilu pelo, eno nongu no Jordan katha iku ngoniye akeu yeghi lo xüake tivilo, panongu ghi Ampeu nongu Lhou sümsa nani.”

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ZAKINIU 11:2

Ishi tsala lo Ampeu nongu Lhou ghaküsü ye, Pa kughushu küka kumto kümsülu lo, (ni ye no tianuli khunoqo hi ithumla keno tipaqo vilo pi anike kumoe).

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

YEKIKITHI AKINIU 24:2

Achineu Jehoiada no xüake tivilo Joash ye Ampeu zülo kiu no achipi keno shiche.

ZAKINIU 11:7

Kughengu kuchou no nongu nhethi no Ampeu kümla kije kümtsü ithuluve ake.

BOTHUBO 14:10

Siddim Khila ye tsübuta kuchhuki no chhitoi, eno Sodom ngo Gomorrah kükau noqo no poche kelo panongu khami ye tipaqo lo ikiqi ilove, eno kütamiqo ye naghuto lo aphu akeqo lo pokhave.

XAKUTHAMI 2:6

Joshua no Israelmi puwove kethiu kümtsü no pütüta saje shitsü keu yeghi pükha lukhave.

XAKUTHAMI 2:10

Eno tipa tiqhelimi kümtsü thi khave no tipa shelo ipeghi keu tiqhelimi ye Ampeu mtha eno Ampeu no Israel ghenguno kiu mlatsü keno mthae.

YEKIKITHI AKINIU 34:33

Josiah no Israelmi ghakhu lono aphikümqhüpu thime kümtsü kütsaleve eno Israelmi kümtsü pelo Ampeu pano Lhou huthupe. Pa küxü tivilo panongu ye Ampeu pano puasü Lhou launo tsüghüve moe.