JOSHUA 23:11 - Sumi Naga CL (Re-edited) Bible (BSI)

¹¹ Tighenguno Ampeu Alhou qhuivü nike kutokupui lo.

BAIBEL (BSI)

¹¹ Tishiaye AMPEU Alhou qhuivu nike kutokupuilo.

JOSHUA 23:11 Referans Kwoze

JOSHUA 22:5

Nongu no shinikeu ye hi likhie, Moses no azah tsükeu kutokughoi papelo; ti ye, nongu mlo kümtsü eno angulho kümtsü pesü Ampeu nongu Alhou kimiye lo, Pa laghi lo chelo, Pa zakütsü papelo, Pa phe kevilo eno Pa huthu alo.”

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

AHOLE 4:23

O kükümsü kütsü kiyipe jukuto alo, kughengu tipau lono aküxü züpuki ipeghi cheni.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

1 Kor. 8:3

Ikemu khuu no Alhou kimiye cheni keno, Alhou no pa ithi ani.

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

Ephesiami 5:15

Tishiaye nongu no kishi checheni keno jukuto lo, mbomzümi toimo no alokütsümi shi püzü

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 4:15

“Horeb lo Ampeu no ami lono nongu pütsa kelo, nongu ye kiu koghemu ithumla kehu nongu ampi jukuto lulo,

JOSHUA 23:10

Nongu dolo milakhi no timi qhethonhe haleve, kughengu piqhi püake toi Ampeu Alhou no nongu ghenguno aghüshi tsüke.

JOSHUA 23:12

Tsala nongu no idewove no hi ghüluve kemi shiye nongu dolo küghüna akeqo sasü kütshükungo luve, pano sasü külakupu shikileve, eno tishikeu lono nongu ngo panongu kitekungo xüuve aye,

ZAKINIU 30:16

Tsala ishi tsala lo I no Ampeu nongu Lhou zakütsü nongu tsü akeu nongu no papelu eno nongu no Pa kimiye, Pa gholu eno Pa zakütsü, akhuaye eno pimheye kümtsü pelu aye, nongu ye xülu nani eno kughuko luno nongu no ngoniye akeu yeghi lo Ampeu nongu Lhou no kümghatsü nani.

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.