JOSHUA 21:43 - Sumi Naga CL (Re-edited) Bible (BSI)

⁴³ Ikehu Ampeu no pano puasü zülo piqhi püake toi, ayeghi kümtsü pe Israelmi tsüve. Eno panongu no tipaqo pükhalu no tilau küghüna auve.

BAIBEL (BSI)

⁴³ Titoi AMPEU no ayeghi kumtsu pe pano puasu zulo piqhi pua keu toi Israilmi tsuve. Panonguno ayeghi tipaqolo iloveno tsaqui ngoluve.

JOSHUA 21:43 Referans Kwoze

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 28:4

Pa pelo Abraham kükümgha pesü no eno o gholo o tikughukomi tsü peniu, tishino nono inami shi chekeu yeghi khikhi Alhou no Abraham tsü keno, tino o mheghi shilu peniu!”

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

ZAKINIU 11:31

Kughengu nongu ye Jordan katha iku Ampeu nongu Lhou no nongu tsü akeu yeghi lo ngoluni cheae. Kughou nongu no ti pükhalu no tile ngoluni keno,

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

ZAKINIU 17:14

“Ampeu nongu Lhou no tsü akeu yeghi lo amheghi shi ngoluve kethiu nongu no, ‘Ningu sükümxa lo shiyeqo toi, ningu ghi akükau süküsü shini,’ ipiuve aye,

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

AKIKIHI 33:53

Tishino nongu no aghakhu qhasü lulo kughengu I no tipau pesü nongu tsü anike.

JOSHUA 21:42

Mishighüna hipaqo kümtsü pütüta hokümxa lo atsüni kümtsha-a acheke.

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

NEHEMIA 9:24

Ikehu panongu no ilo no ayeghi tipau leluve, eno Nono panongu zülono Canaan yeghi eno tipaqha lo kükami ngo ashiaye kümtsü pesü panongu u lo süvetsü eno panongu pelo pano ghoshi Canaanmi peitha peke.

AKIKIHI 34:2

“Israelmi lau ishi azah tsülo, Kughou nongu no Canaan lo iloni keno, (Canaan yeghi, nongu mheghi shiniye akeu ye alughi hitoi ani),

ZAKINIU 12:29

“Kughou Ampeu nongu Lhou no nongu zülono shiyeqo kütsave no nongu no ilo tipaqo yeghi lo ngoluni keno,

JOSHUA 1:6

Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

XAKUTHAMI 11:24

No lhou Chemosh no o tsükeu yeghiu luvemo kea? Eno Ampeu ni Lhou no kiu ni tsüpüani keno, ti kümtsü ningu ye qhipüa nani.

SAMUEL ATUGHIU 12:8

Jacob no Egypt lo ighi kelo, Egyptmi no panoqo ghimeqhi, ikehu nongu puasüqo no Ampeu lau ighamku eno Pa no Moses ngo Aaron puwu no nongu puasüqo Egypt lono saipeghi no panoqo pelo hipau-a lo xülupe.

YEKIKITHI AKINIU 20:8

Panongu no hile acheni eno O gihuni ke achineki shiqhe no pi,

LESHELE 78:55

Pa no panoqo zülono shiyeqo hapheve tsü; Pa no amheghi panoqo sala kutotsü eno Israel shiayeqo pelo pano phiki lo küghüna luvepe.

LESHELE 105:8

Pa ye alholo Paw puloshoqhi, Pa no azah tsükeu tsa tiqheli qhethonhe kutolo kümsülu cheni,

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.