JOSHUA 18:8 - Sumi Naga CL (Re-edited) Bible (BSI)

⁸ Tishino timiqo no ayeghi xüwu penike Joshua no hitoi kichepiye keu kiqi lono wuve, “Ayeghi kümtsü xüwulo eno ayeghi julho yepe I lau ideighi lo. Eno hile Shiloh lono I no Ampeu zülono nongu ghenguno asaqhi tsüni.”

BAIBEL (BSI)

⁸ Timiqono ayeghi xuwu penike Joshua no hitoi kichepiye keu kiqi lono wuve. “Ayeghi kumtsu wulo eno xujuwulo eno ilau ide ighilo eno tithiuno hile Shilo lono ino nongu ghenguno asa qhipheghi AMPEU vehu inijuni.”

JOSHUA 18:8 Referans Kwoze

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

JOSHUA 18:10

Joshua no panongu ghenguno Ampeu zülono asaqhi tsü. Tishino pa no ayeghi kijepe pütüta saje shi Israelmi achili akeqo tsüve.

SAMUEL ATUGHIU 14:41

Tighenguno Saul no pi, “O Ampeu Israel Lhou, No ye kushiye ishi o qeu khochile move akea? Tsala hipau kipimi no I shou momu I nu Jonathan shou aghi aye, O Ampeu, Israel Lhou, Urim tsülo. Ikemu hipau kipimi no Ow timi Israel shou aghi aye, Thummim tsülo.” Eno asaqhi kelo Jonathan ngo Saul pama je ikhiluve no timiqo ye pojo luve.

JOSHUA 18:6

Nongu no ti saje tsüni kije püakeu ghili kishekulu yepe I lau süghilo. Tithiu no I no nongu ghenguno Ampeu ni Lhou zülono asaqhi tsüni.

JOSHUA 18:1

Israelmi no ayeghi qhasü luve kethiu kümtsü no Shiloh lo kumqo eno kuposhukulu phiki mlave.

JOSHUA 15:1

Ayeghi saje Judah shiaye lo ali kiqi lono hitoi kijetsü: Apeu küdau iqi Edom lughi kuto eno kibesü mtsüsüi iqi Zin ghasaqha kuto.

JOSHUA 13:7

Tighenguno itehi ye ayeghi hipau pano shiaye toku eno Manasseh shiaye tüxa lau amheghi shi penike kijeve tsülo.

BOTHUBO 13:17

Ithulo, ayeghi hipau akijelau eno akushulau kupuju chesü wulo, kughengu I no tipau o tsüni.”

JOSHUA 18:9

Tighenguno timiqo no ayeghi kümtsü lo iqhoiqi wuno aphughi kiqi lono kikije tsüni shi kaku lo yeve. Tishino panongu no Shiloh ghazü lo Joshua lau ideighi.

ISAIAH 34:17

Pa no tipaqo sala asaqhi no Pa u no pütüta saje ayeghi mighi tsüe; ikehu ti ye alholo panow shive no tiqheli no tiqheli lo tile auve nani.