JOSHUA 18:16 - Sumi Naga CL (Re-edited) Bible (BSI)

¹⁶ Alughi ye iqi Hinnom Nu Khila lo jupiqilu chekeu eno Rephaim Khila sholo akeu naghuto kuto, eno tileno Jebusimi kikime apeu, Hinnom Khila lo iqi ani eno tino iqi En-rogel kuto.

BAIBEL (BSI)

¹⁶ Tileno naghuto pukhulo Hinom khila veche apeu kudau Jebusimi to kukujo Enrogel kuto wu ani.

JOSHUA 18:16 Referans Kwoze

KUKAMI AKINIU 23:10

Hinnom Nu Khila lo Topheth julho pa no shipüthave tsü, tishino khuu pelomu anu momu anga pesü Molekh lau akipti kümllagho tsüpe move.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 19:11

eno panongu vilo pilo, ‘Aqokitikhi MPEU no ishi piani: Alikümlau yeghi li hepho keshi I no timi eno mishighüna hipau hepho nani, eno khilemu kime mlave nani. Asükumo ye Topheth lo qho nani kughengu qhokepu-a kütau kühave nani.

JEREMIYA 19:6

tighenguno, Ampeu no asheshu, jualo, atsala cheni, hipa-a ye Topheth momu Hinnom Nu Khila ipi kumove nani, ikemu Ghikiqhi Khila ipi nani.

JEREMIYA 19:2

Alitsa Khagho kulaghi lo Hinnom Nu Khila lo wulo, eno I no kiu o vilo pini keno tileno asheshu lo.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI ATUGHIU 14:9

Tipau ghuloki lo Philistiami no Rephaim Khila lo akemi leighi.

KUKAMI ATUGHIU 1:9

Ghulo lakhi Adonijah no ambe, amshitsü, eno athakupu mishiti heqhi no En-rogel phivilo Apighi Tuqu lono aghashi no pa thiküzümi, akükau nuli kümtsü, eno Judah lo akükauw hiyampemi kümtsü kusü,

SAMUEL AKINIU 17:17

Jonathan ngo Ahimaaz pama ye En-rogel lono khea. Aqeliu lakhi no pama vilo pini keu shia, eno pama no akükau vilo pini keu shiae, kughengu panongu ye mishighüna lo aju ithulu pemoni ye shiae.

XAKUTHAMI 19:10

Ikemu timi huno tipaji ye zünishi move kehu pa ye ithu no chesü Jebus (ti ye Jerusalem) lo ighi. Pa gholo khurha kini eno pa nipu amishiu che.

XAKUTHAMI 1:21

Ikemu Benjaminmi ye Jebusimi Jerusalem lo küghüna akemi haphe move, ikehu Jebusimi ye Benjaminmi sasü ishi kutolo kümtsa xü cheni.

XAKUTHAMI 1:8

Judah timiqo no Jerusalem leluve eno azütakikihi pesü tile küami heqhive no mishighüna lo ami süvetsü.

JOSHUA 18:28

Zela, Haeleph, Jebus (ti ye Jerusalem), Gibeah eno Kiriath-jearim—mishighüna chighibidi eno tipaqo gholo aphuqo. Hi no ali kiqi lono Benjamin shiaye yeghi saje.

JOSHUA 15:63

Ikemu Judah timiqo ye Jerusalem lo küghüna akemi Jebusimi haphe mlave. Tighenguno Jebusimi ye ishi kutolo Jerusalem lo Judah sasü küghüna küqha acheni.

SAMUEL AKINIU 5:18

Philistiami no ighi no Rephaim Khila nhakhave.