JOSHUA 10:11 - Sumi Naga CL (Re-edited) Bible (BSI)

¹¹ Panongu no Israelmi zülono posü iqi Beth-horon ikuqho küdau cheke lono Ampeu no mürasü kuloghi Azekah laghi kutolo ghuqhi no panongu pithive. Israelmi no heqhive tsükeu nguno akichiu no mürasü no veqhive.

BAIBEL (BSI)

¹¹ Amarimi no Israilmi zulo posu naghuto lalo pochekelo AMPEU no murasu kuloghi Azeka laghi kutolo ghuqhipuku. Israilmino heqhivetsu keu nguno akichiu no murasuno veqhive.

JOSHUA 10:11 Referans Kwoze

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

XAKUTHAMI 5:20

Atsütsü lo ayepuqo no aghüshi, pano la lono Sisera küpüghüe.

Piyeküsü 16:21

Atsütsü lono apüghütu kuloghi, lakhikhi lo ahu lhopungu qhalo shi timiqo shou ghuqhi; püsa tipau ye panoqo ghenguno akumou mkamghai kehu pulho kelauno panongu no Alhou ghushove.

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

EZEKEL 13:11

khunoqo no metsüghoi nudave tsü keno panoqo vilo hipau ye ikiqive nani ipi lo! Tsütsüghu kije ghuqhi nani, O mürasü kije eno pasapagha mülhü ighi nani eno nongu ye ikiqive nani.

ISAIAH 30:30

Ampeu no timiqo pelo Pa sütsa kümgha chilupe nani, eno Pa xukighide lono amiküqü, tsütsüpha tsütsüghu, pasapagha eno mürasü piqi keu ithulupe nani.

LESHELE 11:6

Kixikilami shou amibalu ghuqhi tsülo; ami, amichu eno pitipüza keu mülhü no pano saje shitsü lo.

BOTHUBO 19:24

Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

JOB 38:22

“No ye mürasü pekütsü ke-a lo iloju, momu apüghü pekütsü cheke-a ithulu juama?

ZAKINIU 20:4

kughengu Ampeu nongu Lhou no nongu züqhushi aghü shinike no gholo wucheni eno tokulu nongu tsü nani.’

SAMUEL AKINIU 18:8

Aghüshi ye aghakhu kümtsü lo veküpha wove, eno azütakikihi nguno alau aghasü lono timi kutomo kütsave.

JOB 38:23

Tipaqo ye aveküsa ghuloki eno aghüshi tsala ghenguno I no pekütsüpe püani.

LESHELE 147:17

Pa no atumlo toi apüghü puwu; khuu no Pa kumko zülo puthugho luni kea?

ISAIAH 28:21

Perazim Toghi, Gibeon Khila lo toi Ampeu no paküta keu eno thosülo shichemo keu kümla shinike axuide ithughi nani!