JOSHUA 1:8 - Sumi Naga CL (Re-edited) Bible (BSI)

⁸ Ayezah kaku hipau ye o kichi lono ikhive kevilo ikemu no ye tile yepüa keqo pekupu lunike ghenguno, putho pucho tipau shou kümsüputho alo.

BAIBEL (BSI)

⁸ Okighinilo alhokuthu ayezah kakuhu philo. Putho pucho philo eno tile yepuakeu kuchopu thebei pelulo. Tishikeuno okuxulo kinikulu eno tokulu shi nani.

JOSHUA 1:8 Referans Kwoze

LESHELE 119:15

I no O zakütsüqo kümsüputho nani eno I nhethi süküqü mono O laghiqo ju nani.

LESHELE 19:14

I kichi lono piqhikeu tsa eno I mlo lo kümsükutho keu O zülo ikhikulupu shipelo, O Ampeu, I tuqu eno I xachilekuluu.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

AHOLE 3:1

I nu, I kükütsü kümsüma kevilo, ikemu o mlo lo I zakütsüqo qhilo,

ZAKINIU 29:9

Tighenguno puloshoqhi hipau lo akeu tsa kümtsü papelo, eno nongu kümla thokha lo tolu nani.

John 14:21

Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

MATTHEW 7:24

“Tishiaye khukhumu I tsa hipaqo chilu no pekupulu keu ye alokütsümi lakhi no atu shou pa ki shiqhe keu toike.

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 119:97

O ni ye O yezah kishita kimiye kelae! Ti ye atsala kupuju I no kümsüputho achekeu ke.

MATTHEW 7:21

“I vilo, ‘Ampeu, Ampeu,’ ipi kemi kümtsü no kungugha yekipe lo ilo lunike kumoe, ikemu khukhumu I pu kungugha lo akeu pulou shicheghi keu huno ke.

John 13:17

Nongu no hipaqo ithi no papelu aye nongu kümghapue.

JOSHUA 1:7

Qeti akumto shilo eno shishe amlo kuloghi shilo, eno I qeu Moses no azah tsükeu kümtsü kutokupui shi pekupu lo. Tipau lono ajeu momu piyiu tsüghüwu kevilo, tishikeu lono nono khila khila wumu, no ye akivishi tokulu shinani.

ZAKINIU 30:14

Ikemu atsa huye nongu phivilo ani. Ti ye nongu kichi lo eno nongu mlo lo ani, ikehu nongu ye shilu nani.

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

LESHELE 119:99

Ni ye Iw shikükami nguno alau vethakulu ani, kughengu I no O kükütsü lo kümsüputho acheni.

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

ZAKINIU 5:32

Tighenguno Ampeu no Lhou no azah tsükeu papeni ke jukuto lo. Nongu ye tipau lono ajeu mu piyiu mu wuve kevilo.

ZAKINIU 31:11

kughou Israelmi kümtsü no Ampeu nongu Lhou no kishetsü keu-a lo ighini keno, Israelmi kümtsü no chikulupu shi nongu no Ayezah hipau phisüni.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

MATTHEW 12:35

Timi kivimi ye küakini pekütsü püake toi pano xülo akivi pephe cheni, ikemu alhoksami ye alhoksa pekütsü püakeu lono alhoksa pephe cheni.

LESHELE 40:10

Ni ye Ow xakulu pesü I mlo lo küsü püamoe; O pükhükulu eno Ow xakulu ghili I no sheshuve tsüae; ni ye ahoho kije lo Ow iqemokeu kikimiye eno pükhükulu ghili pesü küsüpe püamoe.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

BOTHUBO 24:63

Isaac ye kümsüputho nike avelau aluza lo wuve. Pa no pa nhethi tsüpuku no jukelo sayeshi cheghi keu ithulu.

ZAKINIU 31:24

Moses no kaku lo Ayezah hipau ashekha kutolo yeve kethiu,

JOSHUA 8:34

Tithiu Joshua no Ayezah kümtsü phisü, Ayezah Kaku lo yepüa keu kiqi lono kükümgha ngo angusü phisü.

ZAKINIU 5:1

Moses no Israelmi kümtsü kukumqo no pi, “O Israel, ishi tsala lo I no akhuaye ngo pimheye nongu vilo pikeqo inilo, tipaqo shikalu no kutokughoi pelulo.

ZAKINIU 29:8

Ningu no pama yeghi luvetsü no Reuben ngo Gad laghami eno Manasseh lagha tüxa kijeve tsüe.

YEKIKITHI AKINIU 26:5

Zechariah no xüake lo Ampeu sükümsa lono pa kütsü che, eno pa no Alhou pülü ake tivilo Alhou no pa pelo ikoishe lupe.