JONAH 4:2 - Sumi Naga CL (Re-edited) Bible (BSI)

² Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

BAIBEL (BSI)

² Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

JONAH 4:2 Referans Kwoze

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 145:8

Ampeu ye küpüqhiyi eno kimiyeqhiyi ke, asheshi no amloide cheni eno iqemokeu kikimiye no chhitoie.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

IPEKULU 32:14

Ikehu Ampeu no Paw timi lau amhekiqi süghini pi akeu süchileve.

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

AMUS 7:3

Ampeu no hi süchileve tsü: “Hi ye shipe moae,” ipi Ampeu no pive.

JONAH 3:10

Kughou panongu no küsakügha laghi lono xaide ighi akeu Alhou no ithulu keno, Pa no panoqo lau amhekiqi süghini piakeu süchileve, eno Pa ye tipau shimove.

JONAH 1:3

Ikemu Jonah no Ampeu zülono Tarshish küdau poveni ke wuve. Pa no Joppa lo iqi no Tarshish lo wu cheghi keu zükilu ithulu. Ikehu pa no ame tsüve no Ampeu zülono pove ghi tilau panoqo gholono Tarshish lo wuveni keu shie.

KUKAMI ATUGHIU 19:4

Ikemu pau ye atsala lakhi ghüzü toike lo aghasa qhalo wuve no asübo lakhi kicheqho lo ngove. Pa ye tile nomu thiveni kepi ishi kümsü, “Hi ye ihulovae; O Ampeu, itehi I küxü luve tsülo, kughengu ni ye I puasüqo nguno kiumu akivi ye kumoe.”

AMUS 7:6

Ampeu no hi süchileve tsü: “hi ghi shipe moae,” ipi Ampeu Alhou no pive.

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

Luke 10:29

Ikemu timi huno pau no achipiu ipi penishi kehu Jisü vilo pi, “Maye khuu no I kisüghüu kea?”

JEREMIYA 20:7

O Ampeu, Nono I pishiqhivae; No ye I nguno akumtou, eno Nono toluvae. Ni ye atsala kupuju azükutunupu shiauvae; kümtsü no I thaigha anie.

ZAKINIU 4:31

Kughengu Ampeu nongu Lhou ye kimiyekini Lhou ke. Pa ye nongu qhivemo nani, kütsavemo momu no puasü sasü puloshoqhi shikeu kümsümave monani.

LESHELE 103:8

Ampeu ye küpükini eno kimiyekini, asheshi no amloide eno iqemokeu kikimiye no chhitoi.

JEREMIYA 26:13

Tighenguno itehi nongu laghi shikithe lulo, eno nongu Lhou Ampeu tsa lulo, tishiaye Ampeu no nongu ghenguno amhekiqi pi püakeu xachileve nani.

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

JONAH 3:9

Khuu no ithi ani kea? Alhou ye xaide luvi eno Pa yiküsa mlokighide süchile luvi, tishi keu lono ningu ye pühamo luvike.”