John 9:35 - Sumi Naga CL (Re-edited) Bible (BSI)

³⁵ Panongu no pa hapheve keu Jisü no chilu, eno pa phulu kelo Jisü no pi, “No ye Timi Nu shou pülübe anima?”

BAIBEL (BSI)

³⁵ Panonguno pa haphevea pikeu Jisu no chilu, eno pa phuwuno pa vilo pi, “Noye Timi Nu shou pulube ani ma?”

Sümi Tiqhelimi Bible

³⁵ Phariseemiqo no anhethi iche no achekeu hu hapheve ipikeu Jisü no chilu, eno kughou Jisü no pa ithulu keno pa vilo iniju, “No ye Timi Nu shou pülü anima?”

John 9:35 Referans Kwoze

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

1 John 5:13

Nongu khunono Alhou Nu jelo pülübelu keu lono lhokta küxü anani pi ithinishi cheni keno, ni ye nongu lau hipaqo ye ani.

John 10:36

I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.

1 John 5:5

Jisü ye Alhou Nu kepi pülü chekemi nguno kütami khuu no ayeghi theqhilu nani kea?

1 John 4:15

Khukhumu Jisü ye Alhou Nu kepi piphetsü keu ye Alhou lau kimepe ani eno Alhou no pa lolo ani.

Rommi 10:20

Tishino Isaiah no mtotoi pitsü, “Khunono I phujumo keno tipaqo no I phuluvae; Ni ampi no ni avehupu shimo kemi lau pephe piyevae.”

Rommi 1:4

kemu Pa lolo akimthe nguagha akeu kiqilou ye Pa no akithi lono xüthughive keu vecheo aküka lo akeu Alhou Nu shi penike shuphetsü keno, ni Mpeu Jisü Khristo ghili huke.

Apostolmi 9:20

Tithiu pa no mtazü sinagog lono Jisü ghili sheshu, “Pa ye Alhou Nue.”

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

John 20:28

Thomas no pa khochile, “I Mpeu eno I Lhou!”

John 11:27

Li no pa vilo pi: “Iyei, Ampeu; no ye Alhou Nu, Khristo, ayeghi lo chekeu kepi I no pülü ani.”

John 6:69

eno no ye Alhouw Akimtheu kepi nino pülü luve no ithivae.”

John 5:14

Athiuno Jisü no achineki lo timi hu ithulu no pa vilo pi, “Julo, no ye vivae! Hinguno hilau ye kiuala alhoksa o shou ighi pemoni ke axine shikithe kevilo.”

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

John 1:34

I no ithulu no nongu vilo ashepe shitsü anike hi no Alhou Nue.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

Mark 1:1

Alhou Nu Jisü Khristo tsakiviu ghili hukuthu.

MATTHEW 16:16

Simon Peter no khochile, “No ye aküxüpu Lhou nu Messiah ke.”

MATTHEW 14:33

Ashuka lo akeqo no Jisü sheqhe ghi pi, “Kuchou no no ye Alhou Nue.”

LESHELE 27:10

Kughengu I pu ngo I za ye I qhivae, ikemu Ampeu no I saluve nani.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

John 9:22

(Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

John 9:34

Panongu no pa khochile, “No ye axine lo punusü püani püzü nono ningu shikani kea?” Tishino panongu no pa hapheve.

3 John 1:10

Ikehu I no ighi aye pa no kiu shi ani keno, ningu shou küsakügha tsa zalepuku püakeqo lhephe nani. Tiu ghi aghaqimo no pa ye athiküzümi sasüni keu lachile cheni, eno kütami no sasünie pi keghi pa no lakhave püzü akukuho lono panoqo hapheve cheni.

Apostolmi 8:37

Philip no pi, “O mlo kuchopu no pülü aghi aye, no ye tishilu nani.” Pa no khochile, “Jisü Khristo ye Alhou Nu kepi I no pülü ani.”