John 9:34 - Sumi Naga CL (Re-edited) Bible (BSI)

³⁴ Panongu no pa khochile, “No ye axine lo punusü püani püzü nono ningu shikani kea?” Tishino panongu no pa hapheve.

BAIBEL (BSI)

³⁴ Panonguno pa khochile, “Noye axine lono punu puthu kena ipuzu noye ningu shikaniepi ani kesha?” Eno panonguno Sinagog lono pa hapheve.

Sümi Tiqhelimi Bible

³⁴ Hipau lo panongu no khochile, “No ye apunu lonomu axiné lo thonhei acheke; no ye kíshi püzü ningu kütsü ani kea!” Tisheno panongu no synagog lono khalau pa hapheve.

John 9:34 Referans Kwoze

John 9:22

(Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

John 9:2

Pa khopemi no ighiju, “Rabbi, timi hipau no keo pa puaza xine ghenguno pa ye anhethi iche ghi punu kea?”

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

Luke 18:17

Mtsüqheino I no nongu vilo piani, khukhumu itimi lakhi toi Alhou yekipe ikhilumo keu ye kiu gholau nomu tile ilomla nani.”

LESHELE 51:5

Julo, ni ye axine lono punue, eno I za no axine lono I mishike.

JOB 25:4

Imaye kishino timi ye Alhou zülo achipiu shiluni kea? Kishino totimi no punu kemi no mqhamqhi luni kea?

BOTHUBO 19:9

Ikemu panongu no pi, “Ithauve lo! Timi hipau ye kupokichemi shisü ighi no pau no xaküthau shi auvae! Itehi ye nino pama shou nguno alhoksau o shou shinie.” Tishino panongu no anguka shi Lot tuchile no ahukikha hepho niye kupunu ighi.

Piyeküsü 13:17

ikehu amchipu, ti ye tüghashi je momu tipau je kikihi, aghimo kelo khunomu qhü-limla peniye ke.

3 John 1:9

Ni ye akukuhou lau kiuala yepuwu, ikemu Diotrephes, khuu no pa ampi pesü atüghüu shinishi cheni keno, pa no Alhouw kükagha ni u lo akeu kihitsü chemoe.

1 Peter 5:5

Tihutoi, nongu khunono alhothe keno kichimi qhoqhülo. Kümtsü no lakhino lakhi huthuni ke aqhokighe nanu pepulo, kughengu “Alhou ye aqheküzami mjochile cheni, ikemu aqhokighemi lau küpükini tsü chenie.”

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

Galatiami 2:15

Ningu ampi ye apunu lono Jewmi eno Jewkumomi axinemi kumoe;

1 Kor. 5:13

Ashoumi ye Alhou no küghathabe nani. “Küsaküghami ye nongu gholono haphevelo.”

John 9:40

Pa phivilo Phariseemi khami akeqo no hipau chilu no iniju, “Ningu ghi anhethi icheve akeshea?”

John 9:35

Panongu no pa hapheve keu Jisü no chilu, eno pa phulu kelo Jisü no pi, “No ye Timi Nu shou pülübe anima?”

John 8:41

Nongu ye nongu papu no shikeu kümla shiani.” Panongu no khochile, “Ningu ye tüqhanu kumoe. Ningu ye Apu lakhi likhi ani, ti ye Alhou ke”

John 6:37

I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

Luke 11:45

Ayezah shikükami lakhi no pa vilo pi, “Shikükau, nono atsa hipaqo pikeu lo ninguu ghi thoghave ani.”

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

ISAIAH 65:5

panongu no picheni, “I launo putosülo; ni ye akimthe ke.” Hipaqo ye I nigi lo amchhi ke, puchopuju iqü chekeu mi ke.

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

AHOLE 26:12

Nongu ye timi khuana pa likhi pau no alokütsüue piche kemi ithi anio? Mbomzümi no pa nguno alau lajupu anie.

AHOLE 22:10

Thoküghami hapheve lo, eno kuqhumo keu ye ipeve nani, eno mtomshu keu ngo thaigha kilekeu ye kühave nani.

JOB 14:4

Mithekumo lono akimthe thime süghilu nanio? Khumu kühae.

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

IPEKULU 2:14

Pa no khochile, “Khuu no o pelo ni shou kükapuu eno xaküthau shipe kea? Nono Egyptmi heqhive ketoi ni ghi heqhive niye ani keshea?” Tileno Moses ye msave no ishi kümsüve, “Mtsüqheino hi ye ithi khavae.”

3 John 1:10

Ikehu I no ighi aye pa no kiu shi ani keno, ningu shou küsakügha tsa zalepuku püakeqo lhephe nani. Tiu ghi aghaqimo no pa ye athiküzümi sasüni keu lachile cheni, eno kütami no sasünie pi keghi pa no lakhave püzü akukuho lono panoqo hapheve cheni.