John 8:58 - Sumi Naga CL (Re-edited) Bible (BSI)

⁵⁸ Jisü no pi, “Kuchou no I no nongu vilo piani, Abraham züuno ni ye acheghivae.”

BAIBEL (BSI)

⁵⁸ Jisu no pi, “Kuchouno ino nongu vilo pini, Abraham zuuno niye aighivae.”

Sümi Tiqhelimi Bible

⁵⁸ Jisü no khochile, “Kuchou no I no nongu vilo pìní, ni ye Abraham punú mphi züu no acheghivae.”

John 8:58 Referans Kwoze

IPEKULU 3:14

Alhou no Moses vilo pi, “NI YE NI KE.” Eno Pa no pi, “Israelmi vilo hi pilo, ‘NI huno nongu lau I puwu anie.’”

Kolosiami 1:17

Pa ye thokha kümtsü züu, eno pa gholono thokha kime küqhape ani.

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

IBRIMI 13:8

Jisü Khristo ye ighi, ishi eno alholo aphiphie.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

ISAIAH 43:13

Hinguno hilau ye, I no Pa ke; khunomu I u lono xaphemlae; I no mlave keu khuu no tuchile kulupu kea?”

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

John 8:51

Kuchou no I no nongu vilo piani, khuu no I tsa peluni keno pa ye khilemu thimo nani.”

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

John 8:34

Jisü no panoqo vilo pi, “Kuchou no I no nongu vilo piani, khuu no axine shini keno pa ye axine qüaxemi.

John 8:24

I no nongu vilo pike nongu ye no xine lono thive nani, kughengu nongu no ni ye Pa kepi pülümo kelo nongu ye no xine lono thive nani.”

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

John 10:25

Jisü no khochile, “Ni ye nongu vilo pive akemu nongu no pülümoe. I no I Pu je lono akümla shikeqo no I ghenguno thopi shi ani,