John 8:12 - Sumi Naga CL (Re-edited) Bible (BSI)

¹² Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

BAIBEL (BSI)

¹² Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

Sümi Tiqhelimi Bible

¹² Jisü no itaghi timiqo pütsa ghi ishi pi, “Ni ye ayeghilomi küvü ke. Khukhumu I pape kemi ye khilemu àküzǘ lo chechemo nani, ikemu aküvü küxü lo cheche nani.”

John 8:12 Referans Kwoze

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

John 9:5

I no ayeghi lo ake tivilo ni ye ayeghilomi küvüe.”

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

MATTHEW 5:14

“Nongu ye ayeghiqha küvü ke. Atoghi lo aphughi akeu ye küsüve mlae.

JOB 33:28

I ngulho no aqokutho lo iloche kelono Pa no I xachilelue, ikehu I küxü ye aküvü küdau jupuku anani.’

John 3:19

Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

LESHELE 18:28

Kughengu I kulu küiqü tsükeu ye No ke; Ampeu I Lhou no I küzü yepüvü tsücheni.

ISAIAH 9:2

Khunono aküzü lo cheche keno aküvü kije ithuluvae; khunono aküzü kutho lo ache keno, aküvü no pano yepüvü luvae.

2 Peter 2:4

Kughengu kungumi thotsü axine shive kelo Alhou no süchile mono panoqo pesü küghakütha tsala tomoke kutolo ayikha no tshüpe aküzü qokutho lo qhive aye;

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

Apostolmi 13:47

Kughengu Ampeu no hitoi azah ningu tsüvae, “‘I no o pesü Jewkumomi küvü shive tsüae, tishianguno nono ayeghi shekha kutolo xakulupu saghi nani.’”

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

Apostolmi 26:23

ti ye Messiah ye ime masae, eno akithi lono xüputhuve kemi gholo amsüu shino pa no ni timi ngo Jewkumomi lau aküvü ghili sheshu nani.”

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

Piyeküsü 21:24

Shiye kümtsü no tipau küvü pesü xünani, eno ayeghi lo kükami no pano jekipi pesü tipau lo süghi nani,

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

Jude 1:13

azüghi zü fukukucho no pano kukujopu fukighide aketoi; itsükiche yepuqo toi, pano ghenguno aküzü kutho lo alhokupuju ghenguno a-a kutope qhipüani.

2 Peter 2:17

Timi hipaqo ye qhaive keu züpuki eno pasapagha no khüngküsü fupe chekeu toike. Akumou küzü kutho-a ye pano ghenguno kuto püatsü ae.

Jude 1:6

Eno kungumi khunono pano kungo-a kuchou qhive no kükagha peitha move keno, küghakütha tsala kije ighi moke kutolo, Pa no aküzü kutho lo lhokta yikichhe pesü tipaqo tshüpe qhivae.

LESHELE 49:19

pa ngulho ye pa puasü tiqheli lo idewove nani, khilemu aküvü ithulu kithe moae.

John 12:36

Nongu no aküvü aphi lono aküvü shou pülübelo, tishianguno nongu ye aküvü nuliqo shilu nani.” Jisü no hipaqo pive no wuve eno panoqo launo itshüve.

1 John 1:6

Tsala nino aküzü lo cheche pülaghi ningu ye Pa gholo kuposhu chenie pi aye, ningu ye miki ani eno kuchou pesü xüchemoe.