John 7:16 - Sumi Naga CL (Re-edited) Bible (BSI)

¹⁶ Jisü no khochile, “I no shika akeu ye Iw kumoe, ikemu khuu I puwu keno Paw ke.

BAIBEL (BSI)

¹⁶ Ike Jisu no khochile, “Ino kiu pesu kutsucheni keno tiye iwu kumoe, ikemu Alhou ipuwu puakeu launo ighikeu ke.

Sümi Tiqhelimi Bible

¹⁶ Jisü no khochile, “Iw shiküka ye I likhi iw kumo ke. Hiye I puwu keu lau no ighike.

John 7:16 Referans Kwoze

John 14:24

Khunono I kimiye chemo keno, I tsa pelu chemoe. Nongu no atsa chilukeu ye I tsa kumoe, ikemu I Pu I puwu keu tsake.”

John 14:10

Ni ye Apu lolo ani eno Apu no I lolo ani kepi no ye pülü chemo keshea? I no nongu vilo pi akeu tsa ye I gho-apulou lono kumoe ikemu Apu I lolo achekeu no Pa kümla shi anike.

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

John 5:30

“Ni ye I ka-agha loye kiumu shimlae. I no chilu no küghatha cheni, eno Iw küghakütha ye achipie, kughengu ni ye I gho-apulou kumono I puwu keu gho-apulou shicheni.

John 17:14

I no O tsa pesü panoqo tsüe, eno ayeghilomi no panoqo mithi, kughengu I no ayeghi laumi kumo ketoi panongu ye ayeghi laumi kumoe.

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

John 3:11

Kuchou no I no o vilo piani, nino keu ithi keno picheni, eno kiu ithulu keno thopi shicheni, ikemu nongu no ni shepe ikhilumoe.

John 6:44

I Pu I puwu keu no sünhe saghimo keloye khumu I lau ighimlae. Eno ashekha tsala lo I no pa xüputhu nani.

John 3:31

Kunguu no ighikeu no kümtsü nguno akiqheu. Ayeghi lomi no ayeghi laumi eno ayeghi lo gholau no picheni. Kungugha lono ighikeu no kümtsü nguno akiqheu.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.