John 6:51 - Sumi Naga CL (Re-edited) Bible (BSI)

⁵¹ Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

BAIBEL (BSI)

⁵¹ Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

Sümi Tiqhelimi Bible

⁵¹ Ni ye kungugha lono iqighi keu aküxüpu sho ke. Khukhumu asho hipau chu keu ye lhokta kutólo xü anani. Asho hipau ye I shi ke, tiye I no ayeghilomi pelo xülu penike ghenguno tsü nani.”

John 6:51 Referans Kwoze

Luke 22:19

Tithiu pa no asho ikhilu, eno shikimthi tsüno pa no ti süphope panongu tsüno pi, “Hi ye khikhi nongu ghenguno tsüve keno I phimpi huke. I kümsülu ghi hi shilo.”

John 6:33

Kughengu khuu kungugha lono iqighi no ayeghiqha lau aküxüpu tsü keno, Pa no Alhou no tsükeu shoke.”

John 3:13

Kungugha lono milakhi iqighi keu, Timi Nu thono khunomu kungugha lo ikuju mphie.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

IBRIMI 10:20

pa no nhaqhiphi, ti ye pa phimpi, vecheo ningu ghenguno ala kithe, aküxüpu la lakhi khaqhive tsüae,

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

1 Peter 2:4

Timi no kileqhive kemu Alhou nhethe loye kishekiphe eno akughupu shive aghikeu aküxüpu tuqu lau nongu no ighi kelo,

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

Ephesiami 5:25

Akimiqo, Khristo no akukuhou kimiye no li ghenguno pa küxü tsüve ketoi nongu nipu kimiye lo,

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

John 7:38

Khunono I pülüni keno, Kuchoyesü no pike toi, ‘Pa mlo lono aküxüpu zü qoipeghi nani.’”

John 3:14

Moses no asayeqha lo alazayi pighi ikhiqhe keshi Timi Nu ghi ikhiqhe masae,

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 6:35

Jisü no panoqo vilo pi, “Ni ye aküxüpu shoke, khunono I lau ighini keno müzüthi monani, eno khunono I pülüni keno khilemu tüghüthi monani.

John 6:41

Jisü no, “Ni ye kungugha lono iqighi keu sho,” ipike ghenguno Jewmi ye pa küla thuve.

John 6:47

Kuchou no I no nongu vilo piani, khukhumu pülü keu no lhokta küxü ani.

John 6:48

Ni ye aküxüpu shoke.

John 6:50

Ikemu asho hi kungugha lono iqighi keu ye chu peniye kethono thive peniye kumoe.

John 11:26

eno khunono I gholo xüani eno I shou pülübe ani keno, pa ye khilemu thimo nani. No ye hi pülü anima?”