John 6:33 - Sumi Naga CL (Re-edited) Bible (BSI)

³³ Kughengu khuu kungugha lono iqighi no ayeghiqha lau aküxüpu tsü keno, Pa no Alhou no tsükeu shoke.”

BAIBEL (BSI)

³³ Kughengu Alhou no tsukeu sho huye kungugha launo iqighikeu eno ayeghilo akuxupu tsukeuke.”

Sümi Tiqhelimi Bible

³³ Kughengu Alhou’w asho ye kungugha lono iqighi cheni eno ayeghilomi lau aküxüpu tsü chenie.”

John 6:33 Referans Kwoze

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 6:50

Ikemu asho hi kungugha lono iqighi keu ye chu peniye kethono thive peniye kumoe.

John 6:48

Ni ye aküxüpu shoke.

John 6:38

Kughengu ni ye I pulou shiniye kungugha lono iqighike kumoe, ikemu I puwu keu pulou shiniye ke.

John 3:13

Kungugha lono milakhi iqighi keu, Timi Nu thono khunomu kungugha lo ikuju mphie.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 6:32

Tile Jisü no panoqo vilo pi, “Kuchou no I no nongu vilo piani, Moses no kungugha lono asho nongu tsüke kumoe, ikemu I Pu no kungugha lono kuchou sho nongu tsüe.

John 6:41

Jisü no, “Ni ye kungugha lono iqighi keu sho,” ipike ghenguno Jewmi ye pa küla thuve.

John 6:58

No puasüqo no chupusü thive keu toi mono hi no kungugha lono iqighi keu shoke. Khunono hipa sho chuni keno alholo xünani.”