John 6:26 - Sumi Naga CL (Re-edited) Bible (BSI)

²⁶ Jisü no khochile, “Kuchou no I no nongu vilo piani, nongu no I phu chekeu ye amchipuqo ithulu kehu kumono aghakiqishi asho chulu kehue.

BAIBEL (BSI)

²⁶ Jisu no panongu khochile, “Kuchouno ino nongu vilo pini: Nonguye amchipu kumla ithuluke ghenguno kumo puzu nongu ghakiqishi asho chuluke ghenguno iphu cheni.

Sümi Tiqhelimi Bible

²⁶ Jisü no khochile, “Kuchou no I no nongu vilo pìní, nongu ye I no amichipu kümlàqo shikeu ithulu keu ghenguno kumo püzü nongu no asho chu no nongu kive pichhilu keu ghenguno I phu chenie.

John 6:26 Referans Kwoze

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

FILIPIAMI 2:21

Kughengu kümtsü no Jisü Khristo lopu kumono pütüta pulou phucheni.

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

Rommi 16:18

Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

John 6:2

Eno aqokitikhi kije no Pa papeche, kughengu pa no küsükinimi shou amchipu jeli shi akeu panongu no ithulu ke.

LESHELE 78:37

Panongu mlo ye Pa lau akumto shimoe; panongu ye Paw puloshoqhi lo pükhükulu shimove.

John 6:24

Kughou aqokitikhi no Jisü na pa khopemi namu tilau aghi move keu ithive keno, panongu ampi no ashuka lo iku püzü Capernaum lo Jisü phuwu.

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

John 3:3

Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

John 6:64

Ikemu nongu gholo khami ye pülü amoe.” (Kughengu khunono pülümo nani eno khuu no pa thechuve nani keno Jisü ye abothu lono ithi ake.)

John 6:53

Ikehu Jisü no panoqo khochile, “Kuchou no I no nongu vilo piani: nongu no Timi Nu shi eno aji chusho moke thaqhülo nongu lolo aküxüpu kühae.

John 6:47

Kuchou no I no nongu vilo piani, khukhumu pülü keu no lhokta küxü ani.

John 6:30

Panongu no pi, “Tishiaye ningu no ithulu no o pülüni ke no ye kiu michipu shicheni kea? No ye kiu kümla shicheni kea?

John 6:15

Panongu no ighi püzü anguka lono pa pesü akükau shive peniye akeu pimhe luve no Jisü ye itaghi pa likhi xaidesü naghuto lo wuve.

John 6:14

Kughou pa no amchipu shikeu timiqo no ithulu keno, panongu no pi, “Kuchou no khuu ayeghiqha lo ighi niye ani keno Tungkupu hu hi chenie!”

John 6:36

Ikemu I no nongu vilo pive ake nongu ye ni ithuluve akeghi I pülümoe.