John 5:20 - Sumi Naga CL (Re-edited) Bible (BSI)

²⁰ Kughengu Apu no Anu kimiye cheni eno Pa ampi no shikeu kümtsü pa piye cheni. Eno nongu pelo akichiqhi penike akümla hinguno akijeu pa piye nani.

BAIBEL (BSI)

²⁰ Kughengu Apuh no Anu qhuiyivulai ke eno pa ampino shiakeu kumtsu pa piye cheni eno hinguno akumlapu kije akeqo pe pa piye nani, tishianguno nonguno akichiqhi nani.

Sümi Tiqhelimi Bible

²⁰ Kughengu Apù no Anu kimiye cheni eno pa no mülà keu kümtsü Anu pìye cheni. Iye, eno pa ye hinguno akümlà kijè alau Anu pìye nani, tishianguno nongu pelo akümzaqhiyive pe nani ke.

John 5:20 Referans Kwoze

John 3:35

Apu no Anu kimiye eno thokha kümtsü pesü pa u lo süvetsü.

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

2 Peter 1:17

Kughou Apu Alhou no agigihu eno ajuküvü Pa tsü, eno ajuküvüpu kükanguagha sütsa huno, “Hi ye I Nu I qhuu, I mlokiqi Pa lau acheni,” ipi ashepe tsü keno,

John 17:26

I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

John 14:12

“Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

John 10:32

Jisü no panoqo khochile, “I no nongu zülo akümla kivi kutomo Apu launo ighikeu piyevae; tipaqo dolo khikhiu ghenguno nongu ye atu pesü I veqhi niye ani kea?”

John 5:29

ipeghi nani, khunono akivi mla püaghini keno aküxüpu lo xüputhu nani, eno alhoksa mla püakeqo no küghakütha lo xüputhu nani.

John 5:25

“Kuchou no I no nongu vilo piani, kithimi no Alhou Nu sütsa chilu, eno pa sütsa chilu kemi no xüluni keu ghuloki wocheni, eno ti ye ighivae.

John 5:21

Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 4:8

Itaghi, tüghami no pa sasü ighono chuqumghai keu naghuto lo wuno ayeghi lo kükaqha eno tipaqo jekipi kümtsü pa piye.