John 4:23 - Sumi Naga CL (Re-edited) Bible (BSI)

²³ Ikemu kuchou kümllami no aghungu eno kuchou lono Apu mllani keu tüqhüdo cheni, eno ti ye itehi ke, kughengu Apu ye hitoi Pa mllani kemi phucheni.

BAIBEL (BSI)

²³ Ikemu kucho kuchoshi mlla kemino Alhou Ghungu eno kuchou lono Apu mlla nikepu ghuloki wochea eno tiye itehike. Kughengu Apuye hitoi kemiqono pa mlla penike phu cheni.

Sümi Tiqhelimi Bible

²³ Tishiaghimu ado lakhi cheni eno tiye ighivae, tiye kuchou no mülá chekemiqo no Aghungu eno kuchou lono Apù mülá nani, kughengu panongu ye Apù no phu chekeu kümlamíqo ke.

John 4:23 Referans Kwoze

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

John 5:25

“Kuchou no I no nongu vilo piani, kithimi no Alhou Nu sütsa chilu, eno pa sütsa chilu kemi no xüluni keu ghuloki wocheni, eno ti ye ighivae.

Galatiami 4:6

Nongu ye anuli akehu Alhou no Pa Nu Ghungu ningu mlolo sütsü no, “Abba, Apuo!” ipi ighalupe cheni.

Rommi 8:26

Tihutoi ningu no miqemlei akelo Aghungu no ni kuphutsü cheni. Kughengu ningu ye kishi inikhu kepu keno mthae, ikeghi Aghungu ampi no atsa lono pikhamla keu mlo ghuju ghügha lono ningu ghenguno qhüiniju tsü cheni.

John 12:23

Jisü no khochile, “Timi Nu jekipipu shikepu do ighivae.

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

John 4:21

Jisü no li vilo pi, “Totimio, I pülülo, naghuto hipau loke kumono Jerusalem lono mu nongu no Apu mlla moveni keu tüqhüdo cheni.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

ISAIAH 29:13

Ampeu no pi, “Timi hipaqo mlo ye putou animu akichi-amili loye I gihu eno I phivilo akeshi cheni, panongu no I sümsa chekeu ye timi no shika keu yezah ke,

ISAIAH 58:2

Panongu ye achipiu-mikucho papeche keu shiye shi aghi kepu toi, momu Alhouw küghakütha milivemo kemi toi, Ghulo atsütsü I mlla acheni, eno I laghi ithini keu lo azüvü acheni, panongu no I vilo achipiu xakütha iniju ke; eno azüküvü shi Alhou lau kupunu wuke.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

JOSHUA 24:14

“Tighenguno itehi Ampeu sümsa eno amlo tsüqhiyi aküpülü lono Pa qelo. No puasüqo no Aghoki kukuu eno Egypt lo mlla chekeu lhouqo phevelo eno Ampeu qelo.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

LESHELE 51:6

Julo, No ye I mlo alou akikhi akeu lo azüvü cheni, eno Nono amlo tuqhou lono alokütsü I shika cheni.

LESHELE 17:1

I chipiu kighini ini tsülo O Ampeu; I sütsa chilu tsülo! Pishikiqhi küha keu kichi lono inikhu keu ini tsülo!

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.

John 16:32

Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

JEREMIYA 3:10

Ikeghi li tsünipu Judah no pishikiqhi kümla shi anamu li mlo kuchopu pesü I lau ideighi mono ighike ye shike, ipi Ampeu no asheshu.”

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

EZEKEL 22:30

Khuu no putukha keu tupikiye shiqhe puku eno ayeghi ileqive keu lo I zülo puthugholu nani keno I no phuju, tishianguno tipau kütsa moni ye ke, ikemu Ni ye khumu phumlae.

ALE KIMCHI 2:14

O Iw miqhedu, atu nhepho lo eno atuxu cheku lo itshü akeu, I pelo o gi ithulu eno o sütsa chilu pelo, kughengu o sütsa ye jumghai eno o gi ye juvike.

LESHELE 32:2

Ampeu no khuno kipimi kihi tsümoni, khuno lolo pishikiqhi küha keno pa ye akümghapue.

ISAIAH 10:20

Tipa ghuloki lo Israelmi ghükulumi eno Jacob lagha lo kixiphelu keqo ye pano ghime chekemi shou kumono kuchou lono Ampeu, Israelmiw Akimtheu shou mungu nani.

John 5:28

Hipau lo akichiqhi kevilo, kughengu aghuloki wocheni, akumo lo akemi kümtsü no pa sütsa chilu no

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.