John 19:24 - Sumi Naga CL (Re-edited) Bible (BSI)

²⁴ panongu lakhi no lakhi vilo pi, “Ningu hipau ye süxü kije moni, ikemu khuu sala shikepu keno asaqhini.” Hi ye Kuchoyesü lo ishi yepüakeu shikupu niye ke: “Panongu no pano dolono I phimini kije luve, eno I phiküzü ghenguno panongu no asaqhie.” Ikehu ghüshimiqo no hitoi shi,

BAIBEL (BSI)

²⁴ Ike panonguno pi, “Ningu hipau suxukije moni, ikemu tiye khu-wu shikepu kela asaqhinie.” Hiye kuchoyesu shikupuni kehuke: “Panonguno panoqo dolono iphimini kijeluve, Iphikuzu ghenguno panonguno asaqhike.” Ike ghushimino tipaqo shike.

Sümi Tiqhelimi Bible

²⁴ Panongu lakhi no lakhi vilo ishi pi, “Ningu süxümo no khuu no ithuluni keno asaqhi junie.” Hipau shikeu ye Kuchoyesü lo ishi pipüa keu shikupu niye ke, “Panongu no panongu dolo no I phimini süxü kijeve ke eno I phinhemgha shou asaqhi ke.” Ike ghüshimiqo no hitoi shike.

John 19:24 Referans Kwoze

LESHELE 22:18

panongu no pano dolono I phimini kijeluve, eno I kuuphi ghenguno panongu no asaqhi ke.

John 19:28

Thokha kümtsü shikupuvae pi Jisü no ithive kethiu (Kuchoyesü shikupu nike) pa no pi, “Ni ye tüghüthi ani.”

Apostolmi 13:27

Kughengu Jerusalem lo küami eno pano yepemi no pa ye khuu keno michi mlave, eno Sabbath atsütsü tungkuptsa phisü chekeu panongu no vethamla no Jisü kileve keu vecheo ti shikupuve.

John 10:35

Khunoqo lau Alhou tsa ighi keno tipaqo pesü alhouqo kepi ku püaghi aye—eno Kuchoyesü ye pevemla ke—

ISAIAH 10:7

Ikemu pa kükau no ti ye kümsü amoe; pa ye shiye aghulo kumono kutomo kütsa pinyiveni keu kümsüpu anie;

IPEKULU 28:32

Tipau mta lo akütsü chhophe kepu kighipe shilo, eno aphiküzü lo toi ixü pemo nike tipau homxa ghi tsüghadave lo.

MATTHEW 27:35

Panongu no kros lo pa yedave no asaqhi püzü pa phimini pano dolono kije luve.

Mark 15:24

Ghüshimi no pa pesü kros lo yedave no pa phimini süxüpe milakhi khino kiu lukepu keno kimchini ke asaqhi khave.

Luke 23:34

Jisü no pi, “Apu, panongu ye kiu shi ani keno ithiamo ke akipimi qhive tsülo.” Panongu no pa phimini kije luveni ye asaqhi.

John 13:18

Ni ye nongu kümtsü ghenguno piamoe; I no khuno kisheluve akeno ithi ani. Ikemu hi ye Kuchoyesü shikupu niyeke, ‘Khuu no I sho chu keno, pa no I shou chhophisüe.’

KUKAMI AKINIU 15:12

(Ampeu no hitoi akükau Jehu lau tushoqhi püake “O nuli no tiqheli abidiu kutolo Israel kükalakhü lo iqa nani.” Ti huye shikupuve.)