John 16:17 - Sumi Naga CL (Re-edited) Bible (BSI)

¹⁷ Pa khopemi no lakhino lakhi vilo pi, “Pa no ningu vilo ‘Ado kitila thiu nongu ye ni ithumlave nani eno itaghi ado kitila thiuno nongu no ni ithulu nani’ eno ‘Kughengu ni ye Apu lau wucheae’ ipikeu ye kiu kea?”

BAIBEL (BSI)

¹⁷ Pa khopemi khamino khami vilo, pi, “Ado kitila apuzu nonguye ni ithulumove nani eno itaghi ado kitila thiuno nonguno ni ithulu nani ipikeu ngo, ‘Kughengu niye Apuh lau wuni cheni’ ipikeu hiye kiu kya?”

Sümi Tiqhelimi Bible

¹⁷ Hipau tsa lo pa khopemiqo dolo lakhi no lakhi vilo ishi pikile, “Pa ye, ‘Kushuwa kumo dolo nongu ye ni ithumlave nani, eno ado hami thiu no nongu no ni ithulu nani,’ eno ‘Kughengu ni ye Apù lau wucheni,’ ishi piakeu kiqi ye kiu kea?”

John 16:17 Referans Kwoze

John 16:16

“Ado kitila thiu nongu ye ni ithumlave nani, itaghi ado kitila thiuno nongu no ni ithulu nani.”

John 16:5

Ikemu itehi ni ye I puwu keu lau wucheae, ikeghi nongu khunomu I vilo, ‘No ye khila wucheni kea?’ ipi ighiju moe.

Mark 9:32

Ikemu panongu ye hipa tsa vethamlae, eno pa vilo inijuni keu ghi msave.

John 16:19

Panongu no Jisü vilo ighiju niye akeu pa no ithi akehu panoqo vilo pa no pi, “‘Ado kitila thiu nongu ye ni ithumlave nani eno itaghi ado kitila thiuno nongu no ni ithulu nani’ ipi I no pikeu kiqi nongu dolo iniju kile ani keshea?

John 14:5

Thomas no pa vilo pi, “Ampeu, ningu ye nono khila wucheni keno mthake kishino tipa laghi ithini kea?”

John 12:16

Pa khopemi ye atüghü lo hipaqo vethamla no ae, ikemu kughou Jisü pesü ajuküvüpu lo xüputhuve keno, tileno panongu no hipaqo ye pa ghenguno yepüani eno pa shou mla püani kepi kümsüchilelue.

Luke 18:34

Ikemu akhopemi ye atsa hipaqo kiumu vethalu move. Pa kipitsa hipau ye panongu launo küsüpe qhive kehu kiu pi akeno panongu ye kiqikuto mlave.

Mark 9:10

Ikehu panoqo no tipa tsa ye panongu dolo likhi qhiluve, ikemu akithi lono xüthughini keu vehu ye kiu keno ighijua.

John 16:1

“I no nongu vilo hi kümtsü piakeu ye nongu pelo küpxape moniye ke.

John 14:22

Judas (Iscariot kumo keu) no pa vilo pi, “Ampeu, no ye kishino ayeghilomi lau kumono ningu lau no ampi pephe piyeni kea?”

Luke 9:45

Ikemu panongu ye hipa tsa vethamlave, ikehu pimhelu pemove niye panoqo launo küsüve. Panongu ye pa vilo ighijuni keu ghi msave.

John 16:18

Ikehu panongu no ishi pia, “Pa no ‘Ado kitila’ ipi akeu kiqi ye kiu kea? Pa ye kiu piani keno ningu ye mthae.”