John 14:2 - Sumi Naga CL (Re-edited) Bible (BSI)

² I Pu kilo akungo-a kutomo ani. Tishimo aye Ni ye nongu vilo I no wuno nongu ghenguno a-a kuto tsünie piniche keshea?

BAIBEL (BSI)

² IPu kiloye ngokepu-a kutomo ani eno nongu sala a-a lakhi kutope aghinike wuni. Tishimo aye niye hipatsa pesu nongu vilo pimo nicheke.

Sümi Tiqhelimi Bible

² I pù ki lo ye achebo kutomo ani; tishi aghimo ke aye ni ye nongu vilo tile wu no nongu sala a-a kutò pe aghíni ipini che keshea?

John 14:2 Referans Kwoze

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

John 13:36

Simon Peter no pa vilo pi, “Ampeu, no ye khila wucheni kea?” Jisü no khochile, “I no khila wucheni keno itehi no ye I pape mlae, ikemu hithiuno nono I pape nani.”

IBRIMI 13:14

Kughengu ayeghi lo ningu ye haumoni keu phughi kühae, ikemu ningu ye ighini ye akeu phughi phucheni.

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 3:12

Khuu no theqhi luni keno, I no pa pesü I Lhou chineki lo atsükucho lakhi shitsüni. Pa ye khilemu tipau lono ipevemo nani, eno I no pa shou I Lhou je eno I Lhou phughi Jerusalem kitheu khikhi kungugha lo I Lhou launo iqighi keno, tipau je eno I je kithe, ishi yepuku nani.

IBRIMI 11:10

Kughengu pa ye aboqha kumto phughi khikhi Alhou no kughuphe eno shiqhe keno tipau lajukhe cheke.

John 13:33

Anuliqo, Ni ye nongu gholo ngoni keu ado kitila likhivae. Nongu no I phunani, I no Jewmi vilo pike toi itehi ye nongu vilo ghi piani, ‘I no khila wucheni keno nongu ye ighimlae.’

John 16:4

Ikemu I no nongu vilo hipaqo pive ani, tishianguno kughou ado ighini keno, I no nongu vilo pikeu kümsülu peniye ke.” “Ni ye abothu lono nongu vilo hipaqo pimove, kughengu I no nongu gholo ake.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

IBRIMI 6:20

ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

IBRIMI 9:8

Hipau vecheo Aghungu Kimthe no ningu piye akeu ye khalau bocho no ake thaqhülo Shishe Akimthe-a lo iloni keu pephemla aphie

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

1 Thes. 5:9

Kughengu Alhou ye aloghu ghenguno aza po lono ningu iniveke kumoe, ikemu ni Mpeu Jisü Khristo vecheo xakulupu ithulu peniye ke,

Apostolmi 9:16

Pa ye I je ghenguno khijehi ime masa keno I no pa piye nani.”

John 14:28

I no nongu vilo, ‘Ni ye wuveni cheni ikemu nongu lau ighi nani,’ ipikeu nongu no chiluvae. Nongu no I kimiye aye, nongu ye alovi nani, kughengu ni ye Apu lau wucheae eno Apu no I nguno akijeu ke.

Luke 14:22

Aqeu huno pi, ‘Akijeu, nono kiu za tsü keno tishive tsüae pi ithilo, ikemu itaghi a-a ye aphie.’