John 14:10 - Sumi Naga CL (Re-edited) Bible (BSI)

¹⁰ Ni ye Apu lolo ani eno Apu no I lolo ani kepi no ye pülü chemo keshea? I no nongu vilo pi akeu tsa ye I gho-apulou lono kumoe ikemu Apu I lolo achekeu no Pa kümla shi anike.

BAIBEL (BSI)

¹⁰ Niye Apu lolo ani eno Apuh ye ilolo ani kepi noye pulu chemo kesha? Ino nongu vilo kiu picheni keno tiye igho-apulou lono kumo ikemu Apu ilolo achekeu huno pa kumla shichenie.

Sümi Tiqhelimi Bible

¹⁰ Ni ye Apù lolo ani eno Apù ye I lolo ani kepi no ye pülü chemo keshea? I no nongu vilo pichekeqo tsa ye I likhi iw kükagha lono pichemoe. Ikemu tiye Apù I lolo xü akeu hu no pa kümlà shi anike.

John 14:10 Referans Kwoze

John 5:19

Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

John 10:38

ikemu I no tipaqo shiaghi aye, nongu no I pülümo namu I kümla pülülo, tishianguno Apu no I lolo ani eno I no Apu lau ani kepi nongu no ithi eno vethalu nani.”

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

John 12:49

Kughengu ni ye I kükagha lono pi püamoe, ikemu Apu I puwu keu no I no pikepu momu pimo kepu za I tsüpüani.

John 10:30

Ni eno Apu ye lakhie.”

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

Kolosiami 2:9

Kughengu Khristo lolo Alhou lhoaye kuchopu kupukülai ani,

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

John 5:17

Ikemu Jisü no Jewmi khochile, “I pu ye itehi kutolo mla ani eno Ni ghi mla anie.”

1 John 5:7

Ashepe shitsü kemi küthü ani:

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

John 8:38

I Pu no kiu I piye keno I no picheni, ikemu nongu ye nongu papu no kiu piye keno ti shicheni.”

Kolosiami 1:19

Kughengu Alhou no Pa züküvü shi Paw kupukülai keu lhoaye Anu lolo sütsü,

John 14:20

Tipa tsalani I no I Pu lolo akeu, nongu no I lolo akeu eno I no nongu lolo akeu nongu no ithi nani.

John 7:16

Jisü no khochile, “I no shika akeu ye Iw kumoe, ikemu khuu I puwu keno Paw ke.

John 8:40

ikemu Alhou launo kuchou kiu chilu keno nongu vilo pikeu timi hu pithiveni ye nongu no phucheni. Abraham ye hitoi shipüamoe.

John 11:26

eno khunono I gholo xüani eno I shou pülübe ani keno, pa ye khilemu thimo nani. No ye hi pülü anima?”

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 14:11

Ni ye Apu lolo ani eno Apu no I lolo ani kepi I pülülo, tikumo aye akümla hipaqo ghengu likhi nomu pülülo.

John 14:24

Khunono I kimiye chemo keno, I tsa pelu chemoe. Nongu no atsa chilukeu ye I tsa kumoe, ikemu I Pu I puwu keu tsake.”