John 12:48 - Sumi Naga CL (Re-edited) Bible (BSI)

⁴⁸ I milive no I tsa ikhilumo keqo ghengu ye küghaküthau lakhi ani; I no pive keu tsa no ashekha tsala lo pa shou küghathabe nani.

BAIBEL (BSI)

⁴⁸ Timi khunono ni ikhilumo nikeno kughakuthau lakhi anie. Ino pivekeu tsano ashekha tsalalo pa shou kughakuthau shive nani.

Sümi Tiqhelimi Bible

⁴⁸ Khuu no I miliveni eno I tsa ikhilumoni keno panongu ghenguno küghakütha ani; I no pive keu tsa hu no ashekha tsalà lo panoqo kiléqhive nani.

John 12:48 Referans Kwoze

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

John 11:24

Li no pa vilo pi: “I no ithi anike pa ye ashekha tsala xüchilekulu lo ithughive nani.”

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

ISAIAH 53:3

Pa ye timiqo no jukünatha eno miliveke; Pa ye ghichheghime shi eno amloghime no chhitoi, eno milakhi khuu lau, timiqo no pano gi küsüve cheni keno, pa thaigha eno ningu no Pa phimoke.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

John 5:45

Ni ye Apu zülono nongu nguku nanie pi kümsü kevilo. Nongu ngukuni keu ye Moses ani, nongu no now lajupu pa shou becheni.

MATTHEW 21:42

Jisü no panoqo vilo pi, “Nongu ye Kuchoyesü lo khilemu phimla aphi keshea? “‘Aki kishimi no atu kideqhive keu no atsükupu tuqu shive; hi ye Ampeu kümlae eno ti ye ni nhethi lo akichiqhipu.’”

SAMUEL ATUGHIU 10:19

Ikemu ishi nongu no nongu Lhou, khuu no amhekiqi eno aghime kitikhi kümtsü lono nongu xalu keno, Pa milivae, eno nongu no Pa vilo pi, ‘Kükami lakhi ningu shou qhitsülo.’ Tighenguno itehi nongu shiaye eno qhethonhe mqo kiqi lono Ampeu zülo ighilo.”

2 Kor. 4:3

Tsala ningu tsakiviu no nha püaghi namu, ti ye khunoqo pühauve chea keno tipaqo lau likhi küsüve ake.

Luke 20:17

Ikemu pa no tsaqüi panongu gi lo jupuku no pi, “Imaye hitoi yepüa keu ye kiu kea?: “‘Aki kishimi no atu kileqhive keu no atsüghi tuqu shivae.’

Luke 17:25

Ikemu pa ye atüghüshi aghime jeli kutomo puqhe no hipa tiqhelimi no kileqhive penani.

Luke 9:26

Khuu no ni eno I tsa ghenguno kujoveni keno Timi Nu ghi kughou pa juküvü eno Papu ngo kimthe kungumi juküvü lono ighini keno, pa ghenguno kujove nani.

Luke 9:22

“Timi Nu ye aghime kutomo sholu masa nani, eno kichimi, achinetomi ngo Ayezah shikükami no kileqhive no pithive nani, eno atsala aküthüni no xüputhuve nani.”

Luke 7:30

ikemu Phariseemi ngo Ayezah shikükami ye John launo baptiz shimo kehu Alhou kimji panoqo ghenguno akeu milive.)

Mark 16:16

Khunono pülü no baptiz shiluni keno xaluve nani, ikemu pülümo keu ye kileqhive nani.

Mark 12:10

Nongu ye Kuchoyesü hipau philu mphi kea? “‘Aki kishimi no atu kileve keu huno atsüghi tuqu shivae,

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

SAMUEL ATUGHIU 8:7

Ampeu no Samuel vilo pi, “Panongu no o vilo pi akeqo tsa kümtsü inilo, kughengu panongu ye o milive amoe, ikemu I no pano shou akükau shi akeu milive ani.

Apostolmi 3:23

Pa no pikeu inimo keu ye timiqo launo kütüta shi püghave nani.’

Mark 8:31

Tithiu Jisü no Timi Nu ye aghime shimasa keu, layemi eno achinetomi ngo Ayezah shikükami no kileve no pithiveni keu, eno atsala küthü thiu itaghi xüthuveni keu tsa pesü akhopemi kütsü thuve.

MATTHEW 10:15

Kuchou no I no nongu vilo piani, küghakütha tsala lo Sodom ngo Gomorrah ghimeu no tipano ghami nguno puqhekulu shinani.

John 6:39

Eno I puwu keu pulou ye hike: Pa no itsü keqo lakhimu pühave mono ashekha tsala lono xüputhu niye ke.

John 8:47

Khunono Alhou laumi keno pa no Alhou tsa chilu cheni. Nongu no chimla keu kiqi ye nongu ye Alhou laumi kumoe.”

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

IBRIMI 10:25

timi khami toi shimono ningu ye kuho kumqo chekeu kughuchove moni, ikemu Atsala kupunu woche keu nongu no ithulu ani kehu ningu alaushi lakhino lakhi shikumtoni nolo.

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.