John 12:20 - Sumi Naga CL (Re-edited) Bible (BSI)

²⁰ Aghulhu lo Alhou mllani ye iqho kemi gholo Greekmi khami ae.

BAIBEL (BSI)

²⁰ Aghulhulo Alhou mllaniye iqhokemiqo gholo Grikmi khami ae.

Sümi Tiqhelimi Bible

²⁰ Ike tiqhitini lo mülá niye iqho kemiqo dolo Greekmi khami ghí ae.

John 12:20 Referans Kwoze

John 7:35

Jewmi no panongu dolono pi, “Timi hipau ye khila wuniye anipi ningu ye pa phumla nanie piani kea? Pa ye Greekmi phughiqo lo Jewmi hapiyepighive keqo lau wuno Greekmi kütsüni ye ani keo?

Apostolmi 17:4

Panoqo gholo khami ye züluve eno Paul ngo Silas pama gholo küqhalu, titoi Alhou sükümsami Greekmi eno totimi sakiphemi kutomo no pama lau ighive.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

Apostolmi 8:27

Pa no wu kelaye tile Ethiopiami lakhi cheghi, pa ye Ethiopiami kükalimi küghaki Kandake lo shoko, akinibo jukükütsü tou ke. Pa ye Jerusalem lo Alhou mllani ye ighi,

Mark 7:26

Totimi huye khalaumi Syrophoenicia qhaumi. Ikehu li no Jisü vilo tsüikhomo anga phi lono tüghami hapheve tsü penike qhüiniju.

Galatiami 2:3

Ikemu le Titus khuu I gholo chekeno pau ye Greekmi keghi anguka shi aphighüyiko ghavelo pimoe.

Apostolmi 21:28

ighamku pi, “Israelmi, ni kuphulo! Timi hipau no aqha kümtsü lo timi kümtsü vilo Israelmi ngo Ayezah eno a-a hipau lhoksa picheni. Tinguno alau pa no Greekmi achineki lo sailoghi no akimthe-a hipau kitiqevae.”

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 16:1

Paul no Derbe ngo Lystra lo ghi ighi. Akhopemi lakhi, Timothy ipikeu, aza no Jewmi küpülümi eno apu no Greekmi, tile aghi.

Apostolmi 14:1

Iconium lo Paul ngo Barnabas pama no Jewmi sinagog lo ilo no thopi shikelo Jewmi ngo Jewkumomi kutomo no pülüluve.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Rommi 10:12

Ikehu Jewmi ngo Greekmi dolo kiyeqü keu kühae; kughengu Ampeu atho no kümtsü Mpeu, eno Pa phuighi kemi kümtsü shou kupukuno shi kümghatsü cheni.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

John 12:1

Hechekulu Ghulhu züu atsala tsügho akelo, Jisü ye Bethany lo pa no xüputhu keu Lazarus kilo ighi.

John 12:19

Ikehu Phariseemi no lakhino lakhi vilo pi, “Julo, nongu ye kiumu shimlavae. Ayeghiqha no pa pape wuvae.”