John 11:9 - Sumi Naga CL (Re-edited) Bible (BSI)

⁹ Jisü no khochile, “Tsüküvü do ayikihedo chighikini acheni ke kumo? Khuana no puchou no cheche aye pa ye küpxalu monani kughengu pa ye hipa yeghi lo küvü ithulu anie.

BAIBEL (BSI)

⁹ Jisu no khochile, “Pucho-tsala lakhilo ayikihedo chighi kini anike kumo kesha? Ikehu timi khunono puchouno checheni keno paye kutusulumo nani kughengu pano hipa yeghiqha kuvu ithulu anie.

Sümi Tiqhelimi Bible

⁹ Jisü no khochile, “Ayì kihedo chighikini atsala vü acheni ke kumo keshea? Khukhumu atsala küvü lo cheche kemi ye küpüxalumo nani, kughengu panongu ye ayeghi hipau küvü vechewo ithulu cheni.

John 11:9 Referans Kwoze

John 9:4

Atsala küa lono ningu ye I puwu keu kümla shimasae; khunomu akümla shimlave kepu putho tsala wocheni.

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

AHOLE 3:23

Tishiaye no ye kümsapu kühano o la lo chewu lunani, eno o pukhu ye küpxamo nani.

John 11:10

Ikemu khuu no putho lono checheni keno pa ye küpxalu cheni, kughengu pa lolo aküvü kühake.”

1 John 2:10

Khunono pa thiküzümi kimiye cheni keno pa ye aküvü lo acheni eno pa lau ye küpxalu kepu kühae.