John 11:11 - Sumi Naga CL (Re-edited) Bible (BSI)

¹¹ Pa no pive kethiu panoqo vilo pi, “Ningu küsau Lazarus ye zühuvae, ikemu ni ye pa küdani ke wuni.”

BAIBEL (BSI)

¹¹ Jisu no hi pive puzu panoqo vilo pi, “Ningu shou Lazar ye zuhuvae, ikemu ino wupuzu pa kudaputhuni cheni.”

Sümi Tiqhelimi Bible

¹¹ Pa no hi pive kitheu, pa no panoqo vilo kibe ghi pi, “Ningu küsàu Lazarus ye zühuvae; ikemu ni ye pa küdaputhu nike tilau wucheni.”

John 11:11 Referans Kwoze

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

John 11:13

Jisü ye Lazarus kithi pi akemu panongu no kümsü keu no pa ye akulhoqhi zü akeu ghili piani küghashi ae.

1 Thes. 5:10

Pa no ni ghenguno thivetsü kehu ningu no idathu aghina züaghi namu Pa gholo xülu peniye ke.

1 Kor. 15:51

Julo! I no nongu vilo tuqhou küsü püakeu tsa piani. Ningu kümtsü no thivemo nani, ikemu kümtsü no kilive nani,

Apostolmi 7:60

Pa no qhoqhünhe pesü asütsa kuloghi lono ighamku, “Ampeu, hipau xine panongu shou betsü kevilo.” Hi pive no pa ye zühuve.

MATTHEW 27:52

Akumokiqo lhapheve eno küpülümi thive keqo kutomo xüputhuve,

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

Mark 5:39

Pa no aki alou ilo püzü tile akeqo vilo pi, “Kushiye nongu ye ishi mbumghu ighaqa ani kea? Anga ye thive ake kumoe ikemu zü ani.”

MATTHEW 9:24

pa no pi, “Wuvelo, kughengu anga ye züani thono thimphi.” Panoqo no numighei shi pa jukünatha.

IPEKULU 33:11

Milakhi no pa küsau pütsa ketoi Ampeu no agi no agi kinheqhe ghi Moses pütsa che. Kughou Moses no aphiki lo iloni keno, pa kukuphuu apumi lakhi, Nun nu Joshua, no itha mono aphiki lo ngo che.

James 2:23

eno Kuchoyesü no pikeu shikupuve, “Abraham no Alhou pülü, eno ti ye achipi shi kihitsü”—eno pa ye Alhou küsau ipi kue.

1 Kor. 15:34

Nonguw shokümzü küzü lono ithuvelo, tino achipi ke, eno axine shikithe akevilo. Kughengu khami ye Alhou mthae. Nongu shikujo nike ni ye hi piani.

1 Kor. 15:18

Tishino khunoqo Khristo laumi shi zühuve akeno, panongu ye pühavae.

John 11:3

Ikehu pama atsünipu no Jisü lau pi puwu, “Ampeu, nono kimiye chekeu ye sü anie.”

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

ISAIAH 41:8

Ikemu no, Israel I qeu, Jacob, khuu I no kishelu keno, Abraham polokiqi, no ye I poshuu ke.

YEKIKITHI AKINIU 20:7

O Alhou, Nono Israelmi zülono hile xüküami hapheve tsüno ayeghi hipau pesü O poshuu Abraham polo kughukomi alholo ghenguno tsüke kumo keshea?

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

KUKAMI AKINIU 4:31

Gehazi no azüushi wuno anu gi lo aküsü bepe qhitsü, ikemu asütsa küha momu aküxü michipu kühae. Tighenguno pa no idechile pa pütsa niye ighi no pi, “Anu ye ithughi mphie.”

John 11:10

Ikemu khuu no putho lono checheni keno pa ye küpxalu cheni, kughengu pa lolo aküvü kühake.”

John 11:12

Akhopemi no pa vilo pi, “Ampeu, pa no züaghi aye ithughive nani.”