John 1:6 - Sumi Naga CL (Re-edited) Bible (BSI)

⁶ Alhou no timi lakhi puwu, pa je ye John.

BAIBEL (BSI)

⁶ Alhou no pa ghini kishimi lakhi puwu, pa jeye Johan.

Sümi Tiqhelimi Bible

⁶ Alhou no puwu keu timi lakhi pa je John ipikeu ache.

John 1:6 Referans Kwoze

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

John 3:28

I no, ‘Ni ye Khristo kumoe, ikemu pa züuno I puwue’ ipikeu nongu ampi no thopi shipüani.

John 1:33

Ni ampi ye Pa mtha ikemu khuu no I pelo azü pesü baptiz shipeniye puwu keno, Pa no I vilo pi, ‘Aghungu Kimthe no khuu shou iqighi no ngokeu nono ithulu keno, Pa no Aghungu Kimthe pesü baptiz shitsü nani.’

Apostolmi 13:24

Pa ighi nike zülo Israelmi kümtsü vilo xükikithe baptiz shipenike John no sheshu.

Luke 1:76

Anu, no ye Shishe Akiqheuw tungkupu kepi ku nani; kughengu nono Ampeu züuno pa laghi kuto tsünike wunani,

MATTHEW 11:10

Hi yepüa keu ye pa ghenguno ke, ‘Julo, I ghinimi khuu no o züuno o laghi kutotsü nani keno, I no o züuno pa puwu ani.’

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

MATTHEW 21:25

John no baptiz shikeu küka ye khilano ighi kea? Kungugha lono keo, timi launo kea?” Tile panongu dolono küptsa kile thuve, “Ningu no ‘Kungugha lono’ ipi aye pa no ningu vilo, ‘Imaye nongu ye kushiye pa pülümo kea?’ ipini cheni.