John 1:49 - Sumi Naga CL (Re-edited) Bible (BSI)

⁴⁹ Nathanael no pa khochile, “Rabbi, no ye Alhou Nu! No ye Israel Kükaue!”

BAIBEL (BSI)

⁴⁹ “Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

Sümi Tiqhelimi Bible

⁴⁹ Ikelo Nathanael no asheshu ghi ishi pi, “Rabbi, no ye Alhou Nu ke; no ye Israel kükau ke.”

John 1:49 Referans Kwoze

John 1:34

I no ithulu no nongu vilo ashepe shitsü anike hi no Alhou Nue.”

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

ZEFANIA 3:15

Ampeu no o launo küghakütha pewuve tsüae; Pa no o ghümiqo haleve tsüae. Israel Kükau, Ampeu no o gholo anike no ye khilemu alhoksa msakithe moae.

Luke 19:38

“Ampeu je lono akükau khuu cheni keno Alhou no kümgha tsülo! Kungugha lo iqüghai eno kungugha kiqhe lo ajekipi shilo!”

MATTHEW 27:42

“Pa ye kütami xalu kemu pa ampi ye xamlae. Pa ye Israel Kükaue; itehi pa no kros lono iqighive aye ningu no pa shou pülübeni.

MATTHEW 21:5

“Zion limi vilo pilo, ‘Julo, o kükau o lau cheni, ivünhei khurha shouno cheni, khurhati shouno cheni.’”

MATTHEW 2:2

eno ighiju, “Jewmi kükau shiniye akeu khuu anileshi punu püani keno, anu hu khile ani kea? Kughengu ningu ye kipelau no pa yepu ipeghi keu ithulu kehu pa mlla nike ighi ani.”

John 1:38

Jisü no idewo pama no pa pape cheghi keu ithulu no iniju, “Nokujo ye kiu phucheni kea?” Pama no pa khochile, “Rabbi” (tipa kiqi ye Shikükau), “no ye khile ani kea?”

MATTHEW 27:11

Jisü no Angh zülo puthugho akelo Angh no pa vilo pi, “No ye Jewmi Kükau keshea?” Jisü no khochile, “Nono pivae.”

MATTHEW 14:33

Ashuka lo akeqo no Jisü sheqhe ghi pi, “Kuchou no no ye Alhou Nue.”

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

LESHELE 2:6

“I kimthe toghi Zion lo I no I ghenguno Akükau süsüvae.”

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

MATTHEW 23:7

Alhikishi-a lo kütami no pano sasü petha shi eno rabbi ipi peni keu no pano lokütüe.

MATTHEW 23:8

Ikemu nongu ye shikükau lakhi ani kehu nongu pesü rabbi ipi kelau kumono kümtsü athiküzümi ke.

Mark 15:32

Israelmi Kükau, Khristo pelo kros lono iqighive pelo, tishi aye ningu no pülüni.” Jisü gholo yeda keu pama ghi pa thaighae.

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

John 1:50

Jisü no pa khochile, “I no o vilo ‘Nono mububo qholo akelono, ni ye no ithuluvae’ ipike ghenguno no ye pülü ani keshea? Nono hipaqo nguno akijeu ithulu nani.”

John 4:31

Ikelo akhopemi no ishi pa qhüiniju ae, “Chulo, Rabbi.”