John 1:45 - Sumi Naga CL (Re-edited) Bible (BSI)

⁴⁵ Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

BAIBEL (BSI)

⁴⁵ Filip no Nathana-el sasu kusho eno pa vilo ishipi, “Muse no Ayezah kakulo khuu ghili yepuakeno eno tungkupumino khuu ghili yeh ishikeno timi tipau ninguno phuluvae. Paye Nazaret noghami Josef nu Jisu ke.”

Sümi Tiqhelimi Bible

⁴⁵ Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

John 1:45 Referans Kwoze

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

MATTHEW 2:23

Pa no Nazareth ipikeu phughi lo xüsüve, tishikeu lono tungkupmi vecheo pa ye Nazarene ipi kunanie pi püakeu shikupuve.

Luke 24:44

Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

Luke 4:22

Timi kümtsü no pa pipivi eno pa kichi lono küpüqhiyi keu tsa ipeghi akeqo chilupe ighono akichiqhive. Khami no pi, “Hi ye Joseph nu ke kumo?”

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ZEKHARIA 6:12

Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

John 18:7

Ikehu Jisü no panoqo vilo itaghi iniju, “Nongu ye khuu phucheni kea?” Panongu no pi, “Nazarethmi Jisü.”

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

Mark 6:3

Pa ye Mary nopu asü kümlau, pa thiküzümi no James ngo Joses, Judas ngo Simon noqoke kumo? Eno pa chelimiqo ye hile ningu gholo anike kumo keshea?” Tishino panoqo no pa jukünathauve.

MATTHEW 21:11

Eno aqokitikhi no khochile, “Hi ye Galilee lo Nazareth lono ighikeu tungkupu Jisü huke.”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

Apostolmi 22:8

I no, ‘Ampeu, no khuu kea?’ ipi kelo pa no I vilo pi, ‘Ni ye Nazarethmi Jisü, nono shikighime akeu huke.’

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

John 21:2

Simon Peter, Thomas (Didymus ipi chekeu), Galilee Cana lomi Nathanael, Zebedee nu pama, eno akhopemi kütami kini ishi kümtsa ngoae.

Luke 2:4

Joseph ghi David polo kughuko eno laghami kehu Galilee lo Nazareth mishiphu lono Judea ghakhu lo David mishighüna, Bethlehem ipi chekeu lo chesü iqho,

Mark 14:67

eno li no Peter ami pügha aghi keu ithulu püzü tsaqüi pa juno pi, “No ghi Nazarethmi Jisü gholo kichemie.”

MATTHEW 13:55

Pa ye asü kümlau nuke kumo? Paza je Mary ke kumo? Eno James, Joseph, Simon ngo Judas noqo ye pa thiküzümi ke kumo?

Apostolmi 26:9

“Niu ghi Nazarethmi Jisü je mjochile nike tolukivi thaqhü mla masae pi kümsüche.

Apostolmi 3:6

Ikemu Peter no pi, “Nikujo ye ghükayi na ameshoyi namu kühae, ikemu I no kiu ani keno o tsüni. Nazarethmi Jisü Khristo je lono ithu no alache lo!”

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

John 19:19

Pilate no atsa ghi yepe kros lo qhitsü. Ishi yepüa, “Nazarethmi Jisü, Jewmi Kükau.”

John 18:5

Panongu no khochile, “Nazarethmi Jisü.” Jisü no panoqo vilo pi, “Ni ye pake.” Pa thechuve keu Judas ye panoqo sasü kümtsa puthugho ae.

John 6:42

Panongu no pi, “Timi hipau ye Joseph nu Jisü, pa puaza ye ningu no ithi anike kumo? Pa ye kishino itehi ye ‘Ni ye kungugha lono iqighie’ ipi ani kea?”

Luke 3:23

Kughou Jisü no pa kümla huthu keno, pa ye ampe shighi qhalo shiae, (azüu no kimshitsü ketoi) pa ye Joseph nu, eno Joseph no Heli nu,

MATTHEW 10:3

Philip eno Bartholomew; Thomas eno asüqha küqhau Matthew; Alphaeus nu James eno Thaddaeus;

Luke 2:48

Pama no kughou pa ithulu keno pama ye akichiqhive. Paza no pa vilo pi, “Anu, no ye kushiye ni lau hitoi shi kea? Julo, o pu nikujo ye ighono amloksa shi o phucheni.”

John 1:44

Philip ye Andrew ngo Peter pama phughi Bethsaida lono ighi kemi.

John 6:5

Jisü no pishipuwo aqokitikhi no pa lau chekeu ithulu püzü Philip vilo pi, “Timi hipaqo no chu penike ningu ye khileno asho qhüni kea?”

John 6:7

Philip no khochile, “Atsala 200 jume pesü asho qhünamu timi hujeje gholo ye atachumu tsüwo toni chemoe.”

John 12:21

Ikehu panongu no Galilee lo Bethsaida phu lono ighikeu Philip lau ighi no qhüiniju, “Akijeu, ningu ye Jisü junishi ani.”

John 14:8

Philip no pi, “Ampeu, Apu ningu piyelo, tino ni ghenguno lukümkhae.”

Luke 18:37

Panongu no pa vilo pi, “Nazarethmi Jisü hu hipaqha kathawu cheni.”