JOB 9:8 - Sumi Naga CL (Re-edited) Bible (BSI)

⁸ Pa likhino atsütsü xakhope qhi, azü fukukucho shouno alache;

BAIBEL (BSI)

⁸ Alhou likhino atsutsu sukhoke, eno azughi ghahwu ghutsu nedake.

JOB 9:8 Referans Kwoze

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 40:22

Ayeghi bocho shou achekeu noke, ayeghi lo küami ye tülhaqu toie; Pa no nhaqhiphi toi atsütsü xachho eno aphiki toi tshüpe qhi cheni;

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

JOB 37:18

No ye Pa kimihi shi ayipa kümka pesü ahiju toi phuphushi atsütsü kupuju qhawolu nani keshea?

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

LESHELE 33:6

Ampeu tsa no kungugha lhoe, eno Pa kichi lo tuthukishe no yepu yesüqo lhoe.

John 6:19

Kughou panongu no ashuka sasü kilometer pungu-tsügho tohilo wuve keno, Jisü no azü shou no alachesü ashuka küdau cheghi keu ithulu no panongu ye shishe msave.

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

JOB 38:16

“No ye azüghi züpuki lo iloju, momu azüghi ghüza qha püakeu lo chesü wujuve akea?

JOB 38:11

eno ishi pi, ‘Hikuto likhi thono hinguno alau ye ighi moni, eno ow fukukucho kümka ye hileno kishekhani.’

LESHELE 77:19

O laghi no azüghi katha wue, O laghi no azüghi kije kathae; ikeghi O pukhu nepa ithumlae.

BOTHUBO 1:1

Abothu lono Alhou no atsütsü ngo ayeghi lhoe.

JOB 26:7

Pa no ahuu küdau kiumu küha ke-a lo atsütsü sükho eno kiu shoumu ghomo no ayeghi tshüqhipe qhie.

JOB 26:13

Pa tuthu pesü Pa no atsütsü shikimtheve tsü, eno Pa u no azü yithu pocheghi keu jiqhive.

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

JEREMIYA 10:12

Alhou no Pa küka lono ayeghi lhoe, Pa lokütsü lono ayeghiqha kughuphe, eno Paw vethakulu lono atsütsü qhawo ke.

JEREMIYA 51:15

“Ampeu no Pa küka lono ayeghi lhoe, Pa lokütsü lono ayeghiqha lhoqhie, eno Paw vethakulu lono kungugha xachhope qhike.

YEKIKITHI ATUGHIU 16:26

Kughengu ashiaye lhouqo ye ameküküha julho likhie, ikemu Ampeu no atsütsü pulhosü.