JOB 9:5 - Sumi Naga CL (Re-edited) Bible (BSI)

⁵ Khumu ithi mono Pa no naghuto pekiqeve cheni, Pa mlokighide lono Pa no tipaqo tukideve tsü cheni.

BAIBEL (BSI)

⁵ Khumu mthano pano naghuto pe kiqeve cheni, eno pa xuide kelo tipaqo pukhuleve cheni.

JOB 9:5 Referans Kwoze

Luke 21:11

Ayeghi küghütha kije ighi nani, a-a kutomo lo püqümiye ngo püsa jeli ighi nani, eno shithüghüi keu sütsa ngo amchipu kije atsütsü lono ipeghi nani.

MATTHEW 27:51

Eno julo, achineki lo kokütha tozü shi nhaqhiphi achekeu ye akütsüqa lono abophi kutolo ala kini shi ixü kütüta shive. Tishino ayeghi itha thuve eno atuquqo no ipo kütüta shive.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

HABAKUK 3:10

Naghutoqo no No ithulu no thüthüshi; azü no fuchighi qowu; azükutho no mqhomzai ipeghi no azü fukuchope qhemghai süqhe.

Piyeküsü 6:14

Atsütsü no kaku liküzü akeshi hauve, naghuto ngo züdoyeghi kümtsü pütüta-a lono kiqeve tsü.

MATTHEW 21:21

Jisü no panoqo khochile, “Kuchou no I no nongu vilo piani, nongu no aküpülü aghi püzü amlo lo lipimo aye, mububo lau kiu shive keno nongu no ti shiluke likhi kumono naghuto hipau vilo, ‘Iqesü azüghi lo ilove lo’ ipi namu tishilu nani.

1 Kor. 13:2

I no tungkuptsa pikulupu küka aghi no tuqhou küsü püakeu ngo akighithi jeli kümtsü vethalu, eno naghutoqo tukiqhelu kepu küpülü aghi namu kikimiye küha aye, ni ye kiumu kumoe.

ZEKHARIA 4:7

O naghuto kuloghi, no ye kiu kea? Zerubbabel zülo no ye külaqave nani. Pa no ashekhau tuqu pewo gho akelo timiqo no iqhaighu ‘Kimiyekini, Alhouw kimiyekini!’ ipi nani.”

HABAKUK 3:6

Pa no puthugho no ayeghi mighi; Pa no jupuwo no shiyeqo süküthü; tileno alholo naghutoqo ye apanaghave; alholo toghiqo no aqhou iqüilove. Pa laghi ye pülhapuju la ke.

ISAIAH 40:12

Khuu no au bokhu lono azüghi mighiju eno au küghüka lono atsütsü mighi juve akea? Khuu no ayeghimkhu pesü ashoghi lo süju momu ahu lono naghuto eno atoghiqo mighi juve akea?

LESHELE 114:6

O naghutoqo, nongu ye kushiye ambetsü toi ilhe kea? O atoghiqo, kushiye ambeqo toi ilhe ikuiqi kea?

LESHELE 68:8

Sinai lo Alhou, Israel Lhou, zülo ayeghi no itha, atsütsü no tsütsüghu ghuqhie.

LESHELE 46:2

Ikehu ayeghi sükinile namu ningu ye msamo nani, naghuto no azüghi lo ilove na,

JOB 28:9

“Timi no ayetu chhuphove cheni eno naghuto bophi lono izabide chhupilive cheni.

JOB 26:6

Kithigha ye Alhou zülo thoqhalei ani, Kithimi yeghi ye akünha kühae.

JOB 34:25

Pano kümla ithi ani kehu, Pa no putho lono pano ikhive no kütsave cheni.

JOB 41:11

Khuu no kiu I tsüe pi I no pa tsüchile masa kepu ani kea? Kiu kiumu atsütsü qhakuchho qholo aghikeu ye Iw ke.

JOB 40:11

O xukighide kümtsü pepheju lo, eno aqheküzami shou jupuku no sünheqhi julo.

NAHUM 1:5

Naghutoqo no Pa zü lo itha; atoghiqo no ayitsü shivae; ayeghi eno tile xüküami kümtsü khokhoshi Pa zü lo ipeghi.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.