JOB 9:32 - Sumi Naga CL (Re-edited) Bible (BSI)

³² Pa no I toi timi kumoye kethono ni ye Pa sasü kitighe luniche, eno nikujo kümtsa küghakütha-a lo ighini cheke.

BAIBEL (BSI)

³² Paye itoi timi kumoe, ike thono pa ghechileni cheke, ikujo kughakutha-a lono xatha wunishie!

JOB 9:32 Referans Kwoze

Rommi 9:20

Ikemu o timio, no ye khuue pi Alhou ghechile luni kea? Ayeghi li lakhi ye tipa kiyiqiu vilo, “No ye kushiye hitoi I kughuphe kea?” ipilu nanio?

YETSAPIU 6:10

Kiu kiumu lho ipeghive keqo thaqhü ye azüuno aje tsüvae, eno timi ye kiu qhemi keno ithivae; pa nguno akumtou akeu sasü kütsala mlae pikeu ghi ithivae.

LESHELE 143:2

O qeu sasü küghakütha lo ilo kevilo, kughengu O zülo xü akemi khumu amikucho kumoe.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

1 John 3:20

kughengu ni mlo no akipimi ningu tsü anamu Alhou ye ni mlo nguno akijeu eno Pa no thokha ithi ani.

JEREMIYA 49:19

Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

ISAIAH 45:9

“Khuu no pa lhokeu sasü mtoni keno ahasapue, pa ye ayeghi li dolo lakhike! Aghani ye ali kümlau vilo, ‘No ye kiu mla ani kea?’ momu ali ye akümlau vilo, ‘O kümla ye akixi kühae’ ipi luni keshea?

JOB 33:12

“Ikemu no ye hipau lo achipishi amoe, I no o khochileni, kughengu Alhou ye timi nguno akijeue.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

JOB 9:3

Khuana no Alhou sasü kütsalani shi aye pa no qhethonhe piqi iniju kelo ghuthu lakhimu khochile mla nani.

JOB 9:14

Tishiaye, ni ye kishino Pa khochile luni, kiu tsa kishepe Pa ghechile luni kea?

JOB 9:31

Nono aqo lo I tukulu süve nani, eno I likhi I phimini thotsü I ju kuchhube nanie.

JOB 9:19

Tsala hi no aküka kukuxu shiaghi aye Pa no Akumtoue! Eno achipiu tsakükügha shiaghi aye khuu no Pa kuluni kea?

JOB 33:7

I jupe msakeu no o shikichi akelau kumoe; ni ye ihulo o qaqhimo nani.