JOB 7:6 - Sumi Naga CL (Re-edited) Bible (BSI)

⁶ I tsala ye aghikughomi züngü nguno akümthüu eno lajupu kühano ashehove ani.

BAIBEL (BSI)

⁶ Ikuxuye aye-kighichi suta nguno akumthue, huqhe kheakepu kuhano ashekha shivae,

JOB 7:6 Referans Kwoze

JOB 9:25

“I küxü tsala ye akupomi nguno akümthüu shi ani, tipaqo ye akivi ithumla no yewu khavae.

JOB 17:15

Iw lajupu ye khile ani kea? Khuu no Iw lajupu ithulu nania?

1 Peter 1:24

kughengu “Timi kümtsü atsüni toi, eno pano jekipi huno atsüni kupu toike. Atsüni no ighüive cheni, eno akupu no ighiqive cheni,

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

LESHELE 144:4

Timi ye atuthu lakhi toike; pa tsala ye wove chekeu yekükhü toike.

JOB 17:11

I tsala ye wovae; I kukughu eno I no laju chekeu ye ipopinyivae.

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

James 1:11

Kughengu khetsünhe no akülü kushu shi ipeghi no atsüni phuqhive cheni; tipau kupu ighiqive cheni eno jukivi ye hauve cheni. Titoi kinimi ghi pa kümla püzüche kelono hauve nani.

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

LESHELE 102:11

I küxü ye avela yekükhü toivae; ni ye asütsüni thizümüive ke toivae.

JOB 16:22

Kughengu ampe kushuo kumo thiu ni ye ideighi moni keu la lo wuveni ake.

JOB 13:15

Pa no I ghiqhive kepu shinamu ni ye Pa laju anani; tishimu ni ye I sheamzü tsa pesü Pa zülo wuni aphie.

JOB 6:11

I kumto kiu anie pi ni ye ishi khe amasa kea? I küxü shekuho lo kiu aghi nanie pi ni ye kutuu amasa kea?

JEREMIYA 2:25

O pukhu kümsa shive moke kutolo eno o kughoki qhaive moke kutolo po kevilo. Ikemu nono pi, ‘Hi ye akiqi kühae, kughengu ni ye inaghami kimiyeve ake pano pape wuni.’

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

JOB 14:19

azü no atuqo chhephove; eno züqozü no ayeghi chhele pewuve keshi Nono timiw lajupu kütsavetsü cheni.

JOB 17:16

Ti ye Kithigha khagho lo iqi nanio? I sasü ayeghimkhu lo ideiqive nani keshea?

JOB 19:10

Pa no ala kümtsü lono I heqhike ni ye thiveni ye shivae, eno Iw lajupu ye asübo toi Pa no akuhu lono nhüjovae.

JOB 17:1

I nguagha ye kubolevae; I tsala ye ghitha kughukhovae, akumo kilive no kutope I khe ani.