JOB 7:21 - Sumi Naga CL (Re-edited) Bible (BSI)

²¹ No ye kushiye I kutokumo eno I kipimi qhive tsümla kea? Kughengu itehi ni ye ayeghi lo züuve niae, nono I phuche namu ni ye aghi moae.

BAIBEL (BSI)

²¹ Noye ixine phevetsu mla kesha? Ikipimi noye pevetsumla kesha? Kughengu niye pai ayeghilo zuwuvenia, nono iphu namu niye aghi mae.

JOB 7:21 Referans Kwoze

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

JOB 10:14

I no axine shiaye Nono miqe apüzü I xine peve tsümoe.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

ISAIAH 64:9

O Ampeu, ighono aloghuide kütü kevilo, eno alholo ni xine kümsülu tsü kevilo. Kimiyeno jutsülo ningu kümtsü Ow timiqo ke.

YETSAPIU 12:7

Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

1 John 3:5

Nongu no ithi anike Jisü ye axine süwuve tsüniye ighi ke, eno Pa küdau ye axine kiumu kühae.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

LESHELE 103:15

Timi ghenguno pa küxü ye asütsüni paphi ke, pa ye aluza lo axamunu lakhi toi azünihoi thuwu acheni;

LESHELE 37:36

Ikemu pa ye thive no kühavae; I no pa phuju akemu ithumlave.

JOB 17:14

aqokutho vilo, ‘No ye I pu,’ I tsaqhi akeu pithe vilo, ‘I za’, momu ‘I chepu’ ipi aye,

JOB 10:9

Nono aghani pesü I mlaphe keu kümsülu lo, itehi ye I küghape ayeghimkhu lo puwoveni keshea?

JOB 7:8

Ni ithulu chekeu nhethi huye ni ithulu moae; nono I juche kelo ni ye cheve aghiniae.

JOB 3:13

Tishiaye, kükami ngo yepemi khunono pano sala akighiki shiqhe kithe keno, ni ghi pano gholo qümüi ihozü eno akulhoqhi aghini che,

SAMUEL AKINIU 24:10

Ikemu timi kikihi luve kethiu David lolo alokughuno kühave. Eno pa no Ampeu vilo pi, “I no kiu shive akeno ti ye axine kije shivae. Ikemu O Ampeu, itehi kimiyeno O qeu kipimi peve tsülo, kughengu I no ighono mbomzü shivae.”

JOB 8:1

Tileno Shuahmi Bildad no khochile:

JOB 9:28

ni ye I ghimekitikhi msauvae, kughengu ni ye akipimi kühae pi nongu ye pimo nani.

JOB 13:19

Khuana I sasü kigheni keu anio? Aghi aye, I no inaqhoi ngove no thivenie.

JOB 27:19

Pa no kinimi shi zühuve namu ti ye süpushu mlae; pa no ithughi kelo pa küakini ye hauve aghi cheni.

JOB 33:9

Nono pike, ‘Ni ye mqhamqhiyi akipimi kühae, ni ye mithemithei I lolo axine kühae.

JOB 14:10

Ikemu timi ye thive no ayeghi qhou shiqhove cheni; pa tuthu kishekhave kelo pa ye khile acheni kea?

JOB 20:8

Asamo toi pa ye yewuve no phumlave nani, putho lo züxou toi pa hapupove nani.