JOB 42:6 - Sumi Naga CL (Re-edited) Bible (BSI)

⁶ tighenguno I no ni ampi ju aghaide ani eno ayevu amkhu shi xaideghi anie.”

BAIBEL (BSI)

⁶ Ino akumtha lono oghili kiu pipani keno tipaqo kumtsu xachileve ani eno iqi aqhokigheu lono ino olau saideghi ani.

JOB 42:6 Referans Kwoze

EZRA 9:6

ishi pi: “O I Lhou, O lau I gi peqheni ke ni ye kujo ighü ani kughengu ni xine no ningu kütsü nguno qhemghai ikughivae I Lhou, eno ni kipimi no atsütsü tohi ikuvae.

JOB 30:19

Pa no aniba lo I vesü no ni ye ayeghimkhu eno ayevu toivae.

DANIEL 9:3

I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

JOB 2:8

Job ye pa piyi chuxa kepu alitsa tachu pesü ayevu lo ihiuve.

Luke 10:13

“Chorazin! O hasapue, Bethsaida! O hasapue. Kughengu nongu lau akumto kümla shikeu huno Tyre ngo Sidon lau shi püaghi keaye, tipaqo ye khaghi no kumshophi ngo ayevu lo ihi xaideve aghini cheke.

MATTHEW 11:21

“Chorazin, o hasapue! Bethsaida, o hasapue! Kughengu nongu lau aküka kumto kümla shikeu hu Tyre ngo Sidon lau shi püaghi keaye, tipaqo ye khaghi no yeqhiyephi pepusü ayevu lo ihino xaideve aghini cheke.

EZEKEL 36:31

Tileno nongu no now kixikila laghi, eno akümla lhoksaqo kümsülu nani, no kipimi eno aphikümqhüpu ghenguno nongu no nongu ampi ju aphimqhü nani.

EZEKEL 20:43

Tilau nongu no nongu laghi eno no kümla khipaqo vecheo nongu ampi shikitiqeve keno tipaqo kümsülu nani, eno kixikila khipaqo nongu no mlaithave keno tipaqo kümtsü ghenguno nongu no nongu ampi jupe aphimqhü nani.

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

JEREMIYA 31:19

Ni ye itsü wuve kemu xaide luvae, eno I kütsüluve kethiu ye I no I lukobo lo hepukuvae; Ni ye kujove eno I shikuchunive, kughengu ni ye I lhothe lo kukujopu xapu ani.

ISAIAH 58:5

Timi lakhi no kümvü keu lono aqhokigheu shilu aye, Ni ye titoi kümvü keu ikhilutsü cheni ke kumo keshea? Ikemu nonguw kümvü keu ye ayeghübo no ihoiqi keshi, momu yeqhiyephi ngo ayevu shou ihozü keu no keshea? Nongu ye hitoi keu pesü kümvü keu momu Ampeu no ikhilutsü keu tsala kepi kümsü ani keshea?

ISAIAH 5:5

Ikehu I tsailu pesü kiu shini keno I no pini. I no tipau ghutu eno akuptu hexave no ikhiveni, eno tüghashi no mzachuve no nedaqoda pinyive peni.

LESHELE 51:17

Alhou lau aghakishi ye aghungu lo mlominyi keu ke, O Alhou, No ye küghüta kughuju mlo jukünathave chemoe.

JOB 9:31

Nono aqo lo I tukulu süve nani, eno I likhi I phimini thotsü I ju kuchhube nanie.

KUKAMI ATUGHIU 21:27

Kughou Ahab no atsa tipaqo chilu keno, pa no pa phiküzü süxüve no yeqhiyephi pepusü kümvü eno ighono amlo saqhiyi itsü wuve.

BOTHUBO 18:27

Abraham no khochile no pi, “Julo, ni ayeghimkhu eno ayevu huno Ampeu pütsa ayae.

JOSHUA 7:6

Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

JOB 42:5

I kini lo likhino I no chilu kemu itehi ye I nhethi no No ithuluvae;

JOB 42:7

AMPEU no atsa hi kümtsü pesü Job vilo pive kethiu, Pa no Temanmi Eliphaz vilo pi, “Ni ye no eno o shou pama lau axuide ani, kughengu nongu no I ghili kiu no achipi keno, I qeu Job toi pitsümoe.

EZEKEL 6:9

tileno nongu küghape wuve keu shiyeqo dolo akelono nongu pokalu keqo no I kümsülu nani. Kishi panoqow ghaghu mlo eno anhethi no I launo kughosü pano julhoqo mineuve kelono I mlo hephove tsü keno panongu no kümsülu nani. Eno panongu no panow kixikila kümla eno kuchhube kütsüla ghenguno pano ampi jupe aphimqhü nani.

ACHINE 13:12

Ikemu apügha kimihi ayiko küsü no akütsü lono apukhu kutolo qhawove aye,