JOB 38:35 - Sumi Naga CL (Re-edited) Bible (BSI)

³⁵ No ye tsütsüpha kupuwu no tipaqo no ighi püzü o vilo, ‘Ningu hi chenie’ ipilupe nani ma?

BAIBEL (BSI)

³⁵ Momu tsutsupha mutazulepi kupuwu aye tino ighi eno ovilo, “Kiushilopi keti” ipilu nani ma?

JOB 38:35 Referans Kwoze

ISAIAH 65:1

Ni ye I phujumo kemi pelo Ni ithuluve penike kheae, Ni ye I phumo kemi pelo I phulu penike khe ake. I no shiye I je lono kumo kemi vilo pi, “Ni hile ani, Ni hile ani.”

ISAIAH 6:8

Tileno I no Ampeu sütsa chilu, “Ni ye khuu puwuni, eno khuu no ni ghenguno wuni kea?” I no khochile, “Ni hile ani! I puwulo.”

JOB 37:3

Pa no tipau pesü atsütsü qholo aqha kümtsü lo puwu, eno Paw tsütsüpha no ayeghi cheku kutolo puwuke.

JOB 36:32

Pa u no tsütsüpha pesü amchipu lo chhepuku penike azah tsücheni.

KUKAMI AKINIU 1:14

Julo, ami no kungugha lono iqighi no kepten atüghüu pama eno pamaw timi lhopungu pitivae, ikemu itehi ye o nhethe lo I küxü küpüqhiyi tsülo.”

KUKAMI AKINIU 1:10

Ikemu Elijah no lhopungu shou kepten khochile, “Tsala I no Alhouw timi shi aghi aye kungugha lono ami iqighi no no eno ow timi lhopungu pitive pe nani.” Ikelo ami no kungugha lono iqighi no pa eno paw timi lhopungu pitive.

SAMUEL ATUGHIU 22:12

Saul no pi, “Inilo, Ahitub nu.” Pa no khochile, “I mpeu, ni hile ani.”

AKIKIHI 16:35

Tithiu Ampeu launo ami ipeghi püzü timi pano 250 axokütsüngü piti akeqo piti khave.

AKIKIHI 11:1

Timiqo no pano veküsa pesü Ampeu no chikulupushi muchho thuve kehu Ampeu no chilupe shishe amloideve, eno Pa miküqü no panoqo dolo iqü ipeghi püzü tino aghazü khalau a-a hami pitive tsü.

ACHINE 10:2

Ikelo Ampeu zülono ami ipeghi no pama pitive, eno pama ye Ampeu zülono thive.

IPEKULU 9:29

Moses no pa vilo pi, “I no mishighüna lono ipeve kemtsa, Ampeu lau I u peqheni. Pasapagha ye kishekhave nani, eno mürasü kühave nani, tishikeu lono ayeghi ye Ampeuw kepi nono ithi nani.