JOB 36:16 - Sumi Naga CL (Re-edited) Bible (BSI)

¹⁶ Pa no nou ghi akijiksapu lono müsü saipe khile a-a ililai akeno aqa kivi lo qhi, eno o ghulhu lüpa lo ashiaji küdapu chuqupu qhitsüe.

BAIBEL (BSI)

¹⁶ Owu akijiksa lono Alhou no osasu ipeghive, eno opelo shiluksa kuhano kupukunoshi keu ozulo qhitsue eno achuqupu pesu ozulo kishe kishe qhitsue.

JOB 36:16 Referans Kwoze

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

LESHELE 118:5

I ghime kitikhi lono I no Ampeu kuke; Ampeu no I khochile tsüno I khaqhiphe.

ISAIAH 25:6

Aqokitikhi MPEU no naghuto hipau lono ashiaye kümtsü sala kinikülü chuqupu atsaizü akiviu ghulhu kutotsü nani.

LESHELE 63:5

I ngulho no atha ngo aqü chulu akeshi aghaqilu nani, eno alokivi mütsü pesü I kichi no O sheqhe nani,

LESHELE 31:8

eno No ye aghümi u lo I phesüve mphi; Nono I pukhu pesü ililai ke-a lo ghope qhitsüe.

LESHELE 18:19

Pa no aghüche kivi lo I saipeghi; Pa no I xaphelu, kughengu Pa lokiqi I lau ake.

LESHELE 36:8

O kilo kupukuno shi akeu lo panongu no aghulhu shi, eno Nono O lokiqipu ghoki lono shophe no panoqo piyeke.

HOSIYA 2:14

“Ikehu, julo, I no li züizani, eno yenguyike-a lo saighi no ivüilai li pütsa kümtshani.

ISAIAH 55:2

Kushiye asho lono kumono kütau lono pisa peveni kea? kushiye kiumu aghapiqimla keu lo mlapuku ani kea? Tsaqüi I tsa inilo eno kiu no akivi keno ti chulo, eno achuqupu kivi pesü nongu lopivilu lo.

JOB 19:8

Pa no I pelo wulu pemo niye I la lo atupi yevetsü, eno aküzü pesü I la nhave tsüe.

JOB 5:17

Julo, Alhou no khuu sakiyini keno pa kümghapue; ikehu Akughushuu no shikümzü keu milive kevilo.

JOB 15:11

Alhou no o lokughunotsü keu, momu mtshaminhei o pütsa keu o ghenguno tülalo keshea?

LESHELE 18:20

Ampeu no I chipiu mikucho kiqi lono I lau mlatsü; I u kimthe kiqi lono Pa no asaxü I tsüe.

LESHELE 63:6

I no I züa lono O kümsülu, eno putho mta lo O lau kümsüputho acheni;