JOB 34:10 - Sumi Naga CL (Re-edited) Bible (BSI)

¹⁰ “Ikehu nongu amlokütsümi, I tsa inilo: Alhou no kixikila kümla shinie pikeu ye alatsae, eno Akughushuu ye khilemu küqüni chemoe.

BAIBEL (BSI)

¹⁰ Tighenguno nongu amlo kutsumi, itsa chilulo! Alhou ye khilemu alhoksa kumoe, Tuchomujokuluu ye khilemu kuquni chemoe!

JOB 34:10 Referans Kwoze

Rommi 9:14

Tishi aye ningu ye kiu pini kea? Alhou sheamzü lo achipikumo anio? Kiu gholau nomu kumoe!

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

JOB 8:3

Alhou ye kuchou xakütha tuchighiveni keshea? Momu Akughushuu ye achipiu tuchighiveni keshea?

YEKIKITHI AKINIU 19:7

Tishiaye Ampeu sükümsa nongu shou alo. Nongu no xatha keu lo kutokupui lo, kughengu Ampeu ni Lhou ghenguno amikucho kumo momu agikuju momu külügho kulu ye a-a kühae.”

James 1:13

Kughou ghukuju ighini keno, khunomu “Alhou no I ghuju ani” ipi kevilo, kughengu alhoksa ye Alhou ghuju mlae, eno Pa ampi ghi khumu ghuju chemoe.

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

LESHELE 92:15

Ampeu ye achipiu kepi asheshu; Pa ye I tuqu, eno Pa lolo ye achipikumo ye kühae.

JOB 36:23

Khuu no Pa laghi kichepe Pa tsüju, momu, ‘No ye akumou shivae’ ipi luni kea?

AHOLE 6:32

Khuu no shupu-salha cheni keno, pa ye kümsükulu küha; eno pa likhi pa kütsave cheni.

JOB 37:23

Ningu ye Akughushuu phumlae; Pa küka ye ighono kije; Pa ye kuchou xakütha eno kupukuno mikucho hexavemo nani.

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

AHOLE 15:32

Akükütsütsa jukümghaleve keu ye pa ampi thogha ani, ikemu shikümzü kelo ikhilu keu ye alotsü kithe nani.

JOB 34:34

Vethakulumi eno alokütsümi I tsa chilu kemi no I vilo pi nani:

JOB 34:12

Kuchou vehulo Pa ye khilemu küsakügha shimo nani, eno Akughushuu ye khilemu achipiu tuchighi monani.

SAMUEL AKINIU 22:31

Alhou hipau laghi ye kupukülai; Ampeu tsa ye kuchoue pi mtsüqheilu cheni; Pa ije chekemi lau Pa ye azüto ke.

LESHELE 145:17

Ampeu ye Pa laghi kümtsü lo amikucho eno Pa kümla kümtsü lo kimiyekini ke.

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.