JOB 33:26 - Sumi Naga CL (Re-edited) Bible (BSI)

²⁶ tile timi huno Alhou lau inikhu kelo Pa no ikhilu tsücheni; pa no Alhou gi ithulupe alovi igha cheni, eno Alhou no pa chipiu pesü tsüchile cheni.

BAIBEL (BSI)

²⁶ Pano Alhou qhuiniju kelo pano pa kimiye cheni, pano alokivishi Alhou gi ithulu cheni. Alhou no pa lau pa mikucho saide ghitsu cheni.

JOB 33:26 Referans Kwoze

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 30:5

Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

Apostolmi 9:11

Ampeu no pa vilo pi, “Ithu no Müzüchoi ipi chekeu laghi lo wuno Judas kilo Tarsusmi Saul ipikeu phuwulo, kughengu pa ye akighini shi ani,

Apostolmi 2:28

Nono aküxüpu la I piye; Nono I sasü akeu no I lopivi tsü nani.’

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

IBRIMI 11:26

Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

AHOLE 24:12

“Ningu ye hipa vehu mthae,” ipi nongu no pi aghi namu, amlo huju chekeu huye pimhelu anike kumo? O küxü jukuto chekeu no ithi ani eno Pa no timi lakhi kümla kiqi lono tsüchile nanike kumo?

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

LESHELE 67:1

Alhou pelo ni küpüqhiyi tsüno kümghatsü peniu eno Pa gi küvü ningu lau yepüvü tsü peniu,

SAMUEL ATUGHIU 26:23

Milakhi mikucho eno pükhükulu ghenguno Ampeu no asaxü tsü cheni, kughengu Ampeu no ishi o pesü I u lo sütsüe, ikemu I no Ampeuw nukikishe shou I u süqhe move.

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

LESHELE 28:6

Ampeu sheqhelo! Kughengu I no küpüqhiyi tsü penike inikhu keu sütsa Pa no chiluve tsüae.

LESHELE 18:20

Ampeu no I chipiu mikucho kiqi lono I lau mlatsü; I u kimthe kiqi lono Pa no asaxü I tsüe.

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

JOB 34:28

pano ghenguno kumlhomi no ighamku Pa lau wu kelo Pa no aghimemi ghügha chilu tsüe.

JOB 34:11

Kughengu milakhi kümla kiqi lono Pa no tsüchile nani; eno pa küxü laghi kiqi lono Pa no ajume tsünani.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

JOB 33:25

pa phiashi no xüthilei lhothemi toive pelo; pa lhothe shiaji kumto lo idewolu pelo,’ ipi aye;

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

JOB 19:27

Pa no I phivilo aghikeu ni ampi no ithulu nani, tüsümi kumoe ikemu I nhethi no tsaqüi Pa ithulu nani. Ni ye ti huqhe anipi lhouvae!