JOB 31:6 - Sumi Naga CL (Re-edited) Bible (BSI)

⁶ (I küghape amikucho kimghipu lono huju no Alhou no I kikhi ithilu pelo!)

BAIBEL (BSI)

⁶ Alhou pelo amikucho akimighipu lono ipeqheju peni, eno papelo iw kikhikighi kuxu ithilu peniu.

JOB 31:6 Referans Kwoze

DANIEL 5:27

TEKEL, no ye ahu kimghipu lono huju kelo tomovae;

MATTHEW 7:23

Tileno I no panongu lau shuphe nani, ‘Ni ye khilemu nongu mthae; nongu ayezah heküxamiqo, I launo chevelo.’

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.

MICAH 6:11

Kixikilamiw ahu kimghipu eno pishikiqhi kimghitu peitha chekemi kipimi Ni ye qhive tsüni keshea?

ISAIAH 26:7

Amikuchomi laghi ye müdüniyi; Nono pano laghi külaqa tsüke.

AHOLE 16:11

AMPEUw ahu eno ahu tu ye achipi ke, akimghipu lo ahu tu akeqo ye kümtsü Pa kümla ke.

LESHELE 139:23

I phujulo, O Ampeu, eno I mlo ithi tsülo! I pejulo eno I kükümsü ithi tsülo!

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

JOB 6:2

O I ghakighide pesü huju lu, eno I nguküsa kümtsü pesü ahu lo pepukulu keaye lae!

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

LESHELE 26:1

I chipiu saphu tsülo, O Ampeu, kughengu ni ye akikhi lono checheni, eno ni ye lhelhei mono Ampeu lau pükhübe ighivae.

JOB 6:3

Tishiaye azüghi lo asaye nguno akimshiu shi aghini che; tighenguno I tsapi ye süchile mono mkamghaive ani.

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

JOB 32:1

Ikehu pano küthü ye Job khochilemo no ngove, kughengu pa likhi pau no amikuchou shi auveke.

AHOLE 21:2

Kümtsü no pau no achipie pi kümsü cheni, ikemu Ampeu no amlo huju cheni.