JOB 24:13 - Sumi Naga CL (Re-edited) Bible (BSI)

¹³ “Aküvü laghi ithimo eno ti püla chemo kemi no tipau shou hebide ithughi cheni.

BAIBEL (BSI)

¹³ Akuvu hebide kemi anie, panoye tipa laghi tsaqutsalei ithimono ti pheve chenie.

JOB 24:13 Referans Kwoze

Jude 1:6

Eno kungumi khunono pano kungo-a kuchou qhive no kükagha peitha move keno, küghakütha tsala kije ighi moke kutolo, Pa no aküzü kutho lo lhokta yikichhe pesü tipaqo tshüpe qhivae.

AHOLE 4:19

Kixikilami laghi ye aküzü kutho toi, pano ye kiu küpxalu ani keno ithi chemoe.

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

James 4:17

Ikehu khukhumu achipiu shimasa keu ithi apülaghi shimove aye pa ghenguno axine ke.

Rommi 1:32

Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

John 15:6

Khunono I lau kimepe moni keno aloka lakhi toi ikhipe peve cheni eno thizümüive cheni; aloka tipaqo ye xukumqope ami lo vesü no pitive cheni.

John 12:40

“Pa no panoqo nhethi kighicheve tsü eno pano mlo shikümkave tsü, tikumo ye pano nhethi no ithulu, pano mlo no vethalu no xaide kelo I no pano shipivilu nosae.”

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

John 8:31

Ikehu Jewmi khunono Jisü pülülu keno tipaqo vilo pa no pi, “Nongu no I tsa papelu aye nongu ye kuchou no I khopemi,

JOB 5:14

Panongu ye puchou aphi lono aküzü lo ilove cheni, eno puchomghü lono putho lo toi kükaju cheni.

JOB 24:12

Aphughi lo aghüzaku kupumi eno thiuche kemi no kuphu lopi igha keghi Alhou no khuu kutokumo mu phüju tsümove.

JOB 24:14

Ghikiqhimi no kumlhomi ngo mighimi pithiveni ye tsüküzü khe cheni, eno putho shive aye pa ye küpkami toike.

KUKAMI ATUGHIU 3:20

Ikelo li no zübumta lono ithu I no züake lono I nu ikhiluve tsüno li nu akithiu pesü I phivilo püzüve tsü.

JOB 24:16

Panongu no putho lono aki vexü ilocheni, puchou ye aki khathape ngove cheni, panongu ye aküvü ithi chemoe.

JOB 38:13

Tishikeu huno tsükutho pelo ayeghi phishe tsüqüpe kixikilami tileno kilhe pheve peniye ke.

JOB 38:15

Kixikilami küvü ye pano launo ikhiluve tsücheni, eno pano u peqhepe akeu ye hephove tsücheni.