JOB 19:25 - Sumi Naga CL (Re-edited) Bible (BSI)

²⁵ Ikemu I xachilekuluu ye xüani kepi I no ithi ani, eno ashekha lo Pa no ayeghi shou puthugho nanie.

BAIBEL (BSI)

²⁵ Ikemu ino ithi ani, ixakuluuye xuanie, eno ashekhalo pano ayeghi shou puthugho nani.

JOB 19:25 Referans Kwoze

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

LESHELE 78:35

Alhou, Shishe Akiqheu ye pano sükusho tuqu, pano xachilekuluu kepi panongu no kümsülue.

AHOLE 23:11

kughengu pano Xachilekuluu ye akumto ke Pa no o kileve ghi pano she petsü nani.

LESHELE 19:14

I kichi lono piqhikeu tsa eno I mlo lo kümsükutho keu O zülo ikhikulupu shipelo, O Ampeu, I tuqu eno I xachilekuluu.

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

JEREMIYA 50:34

Ikemu pano Xachilekuluu ye akumtoe; Pa je ye Aqokitikhi MPEU. Mtsüqheino Pa no pano ghenguno pitsü nani; tishikeu lono Pa no ayeghi lo akulhokiqhi süghi nani, ikemu Babylon lau ye aküpüna süghi nani.

JOB 16:19

Itehi mu Iw thopi ye kungugha lo ani, I shepe shitsü akeu ye kungugha lo ani.

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

JOB 3:13

Tishiaye, kükami ngo yepemi khunono pano sala akighiki shiqhe kithe keno, ni ghi pano gholo qümüi ihozü eno akulhoqhi aghini che,

JOB 19:24

O, ayi yesüta lo ayizü lesü no alhokupuju atuqu lo yepukulu keaye lae!

LESHELE 18:46

Ampeu ye xüani, I tuqu shipili lo, eno I xakulu Lhou sheqhelo.

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.