JEREMIYA 9:8 - Sumi Naga CL (Re-edited) Bible (BSI)

⁸ Panongu mili ye akithipu piji toike, tino pishikiqhi tsa picheni; pano kichi loye pano kisüghümi lau külakishi tsa picheni, ikemu pano mlo loye ghüthe shipe khe cheni.

BAIBEL (BSI)

⁸ Panoqo miliye tughu akeu piji toike; panonguye pulhapuju miki cheni. Kumtsuno pututa kusami vilo shompami toi putsakile cheni, ikemu kuchou loye pa ghenguno alichhe shipe qhianike.

JEREMIYA 9:8 Referans Kwoze

LESHELE 28:3

Alhoksa eno kixikila kümla shiche kemi khunono amlo lo kixikila xapu, ikemu akisüghümi lau ye külakishi tsa picheni keno pano gholono I sünhe sawuve kevilo.

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

LESHELE 120:3

No pishikiqhi mili xapu akeu, Alhou ye kiu o tsüni, eno itaghi kiu o lau shitsüni kea?

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.

LESHELE 55:21

Pa tsapi ye akichhizütha toi müdüniyi, ikemu aghükishi no pa mlo lo ani; pa tsa ye thazü nguno mtshaminhei, ikemu panongu ye azütakikihi xajope ani.

LESHELE 12:2

Kümtsü no pa kisüghüu lau akimki tsa pie; amili shobapu eno amlo kini xapusü atsa picheni.

SAMUEL AKINIU 3:27

Eno kughou Abner no Hebron lo idechile ighi keno, Joab no tuqhou shi pa pütsani ye pa sasü khagho phivilo wu, eno tileno pa polo qhusüve tsü, ikehu pa ye thive, ti ye pa thiküzüu Asahel ji peleve tsükeu ghenguno ke.

JEREMIYA 9:5

Kümtsü no pa kisüghümi pishiqhi, eno khunomu kuchou tsa pimoe; panongu mili pelo akimki tsa pi penike shikae; panongu ye axine shikeno akulhoshi cheni.

JEREMIYA 5:26

Kixikilami timiqo Iw timi gholono phulue; aghau lichhe shiche kemi toi, timi meluni ke ihozüpe ngokhe. Panongu no timi menike aküsü piqepe qhie.

LESHELE 64:8

Panongu ye kütsavae, pano mili no pano küla ani; panongu ithulu kemi kümtsü no akütsü küngü nani.

LESHELE 35:20

Kughengu panongu ye külakishi tsa pichemo, ikemu aghakhu lo iqüghai kemi shou pishikiqhi tsa iqiphe cheni.

AHOLE 25:18

O kisüghümi küla ghi kichile thopi shikeu ye asüthalu, azütakikihi, momu apiji toike.

JEREMIYA 9:4

Kümtsü no pa kisüghümi launo kutokupui lo, eno athiküzümi khuu shoumu pükhübe kevilo, kughengu athiküzümi kümtsü pishikiqhimi ke, eno akisüghümi kümtsü no pishikiqhi shi itsüwu ke.

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

LESHELE 12:3

Ampeu pelo alaphasü chekeu mili, shishe qheza ghi hitoi pichekeu mili ghithave tsü peniu,

LESHELE 62:5

O I ngulho, iqüghai Alhou likhi ngokhe lo, kughengu I küpkhü ye Pa lau ani.

JEREMIYA 5:9

Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?