JEREMIYA 9:7 - Sumi Naga CL (Re-edited) Bible (BSI)

⁷ Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

BAIBEL (BSI)

⁷ Tighenguno Aqokitikhi MPEU no pi ani, “Ayi toi ino iwu timiqo ghukimtheve nani eno panoqoye pejukeulo qhi nani. Iwu timiqono alhoksa shivae, niye panoqo shou kiu shikepu kya?

JEREMIYA 9:7 Referans Kwoze

ISAIAH 1:25

I no nongu shou I u ghapukuni eno nongu baghu kümtsü ayi ghukimthe keshi pitive tsüni.

MALAKI 3:3

Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

JEREMIYA 6:27

“I no o pelo Iw timiqo ithi no pano laghiqo peju peniye ayi pitiju chekemi toi shivae.

ISAIAH 48:10

Julo, I no nongu thakütsüghüvae ikemu ghükayi toimoe; I no aghime kitikhi miphoki lono nongu pejuvae.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

1 Peter 4:12

Kimiye chekeqo, nongu pejuni ke ami kütüghalu keshi nongu shou aghime küsa ikughi kelo, ti ye kiuala paküta keu nongu lau ighi aketoi akichiqhi kevilo.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

YEKIKITHI AKINIU 36:15

Ampeu, pano puasü Lhou no Pa tsapemi ide-ide panongu lau puwu, kughengu Pa ye Paw timiqo eno Pa chineki kimiyeqhiyi cheke.

SAMUEL AKINIU 13:26

Tileno Absalom no pi, “Imaye, kimiyeno I mu Amnon pelo ningu gholo wulu pelo.” Akükau no pi, “Kushiye pa ye o gholo wuni kea?”

LESHELE 55:22

O makho pesü Ampeu lau qhitsülo, eno Pa no o püxü tsü nani; Pa ye khilemu amikuchomi pelo ithave peni keu za tsümo nani.

LESHELE 62:5

O I ngulho, iqüghai Alhou likhi ngokhe lo, kughengu I küpkhü ye Pa lau ani.

LESHELE 120:4

Ghüshimi lakhi piji tsüghaminhei keu eno amiyi huchuyi piti akeu pesü ghime nani!

ISAIAH 59:3

Kughengu nongu u ye aji no kitiqe püani eno nongu ulotiqo ye akimthe shiamoe. Nongu mütsü lo akimki ani; eno nongu mili no kixikila tsa pike.

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;