JEREMIYA 9:5 - Sumi Naga CL (Re-edited) Bible (BSI)

⁵ Kümtsü no pa kisüghümi pishiqhi, eno khunomu kuchou tsa pimoe; panongu mili pelo akimki tsa pi penike shikae; panongu ye axine shikeno akulhoshi cheni.

BAIBEL (BSI)

⁵ Kumtsuno pa kusami pishiqhi cheni, eno khunomu kuchou tsa pichemoe. Panonguno mikinikeu pano mili shika acheni panonguno axine shi acheni eno xaideghiveni keulo akulhoshi acheni.

JEREMIYA 9:5 Referans Kwoze

HABAKUK 2:13

Julo, timi no ime mla chekeu ye ami no pitive tsüniye ke, eno shiyeqo no ame küha keu lono ime chekeu ye aqokitikhi Mpeu no kekumo?

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

ISAIAH 57:10

Nongu no alaghi kushu jupe qeive, ikemu nongu ye ishi pimoe, “Hi ye lajupu kühae”; nongu küka kumto tsü penike aküxü kithe phulu, eno tighenguno nongu ye qeinaive moke.

JOB 15:5

Kughengu o kipimi no kiu pikepu keno o kipe ani, ikehu no ye amqükini miliu kisheluve akena.

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

Ephesiami 4:25

Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

MICAH 6:3

“O Iw timiqo, Ni ye nongu lau kiu shive kea? Ni ye kishi nongu züpüzüve kea? I khochile lo!

EZEKEL 24:12

Aghime lono li ye akulho shivae; tipau pitida keu kutomo akeu ye tipau lono kühavemo nani. Tipau pitida süve keu ye ami lo vesüvelo!

JEREMIYA 9:8

Panongu mili ye akithipu piji toike, tino pishikiqhi tsa picheni; pano kichi loye pano kisüghümi lau külakishi tsa picheni, ikemu pano mlo loye ghüthe shipe khe cheni.

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

ISAIAH 5:18

Khunono akimki kighi pesü axine eno kixikila tshüluve cheni keno ahasapue,

AHOLE 4:16

Kixikilami ye alhoksa shimo kelo zühulu chemoe; panongu ye timi küpxa moke kutolo pano küzü kihi acheni.

LESHELE 140:3

Apighi toi panongu mili ye tsüghaminhei ke, eno pano kichi ye tuopighi tüghü toike.

LESHELE 64:3

panongu no azütakikihi toi pano mili chighi, panongu no apiji miji aketoi kukhukimji tsa mijipe ani,

LESHELE 50:19

“Nono o kichi ghasü mono kixikila tsa pike, eno o mili no pishikiqhi kughu cheni.

LESHELE 7:14

Julo, kixikilami ye alhoksa mishipu cheni, pishikiqhi mishipu cheni, eno akimki punuqhi cheni.

JOB 11:3

Nono akiqi kühakeu tsa zale akeu pesü timi hasüve eno thaigha akelo khunomu o shikujo moni keshea?

BOTHUBO 19:11

Eno panongu no ahukikha lo timi kichimi itimi akeqo kümtsü nhethi kighicheve tsü, ikehu panongu ye ahukikha phuju pühauve.

LESHELE 52:3

No ye akivi nguno alhoksau kimiye cheni, eno kiu no achipiu keno pini keu nguno alau miki cheni.

JEREMIYA 7:28

Nono panongu vilo pi nani, ‘Shiye hipau ye pano MPEU Alhou gholu move, eno sakiyi keu ikhilutsü move; kuchou hu pühave; ti ye panongu mütsü lono ikhive.

JEREMIYA 12:6

O thiküzümi eno o pu kibolomiu ghi o jechue; eno ighamku o hakuqo ke, panongu no ashou toi o pütsa namu panongu pülü kevilo.”

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

JEREMIYA 13:23

Ethiopiami ye pa yiko kililu momu akhighiu ngushuu ye akütsükive kililu nani keshea? Tishiaye nongu alhoaye lono alhoksa shikemi ghi kili mla nani.

JEREMIYA 51:58

“Aqokitikhi MPEU no piani: Babylon liwo shishoi keu ye ayeghi lo xaleqhive tsü nani, li khagho qhemghai keqo ye ami no pitile qhive tsü nani. Ashiayeqo no mla chekeu ye adou shive nani, shiyeqo no ime chekeu ye ami no pitive nani.”

JEREMIYA 51:64

eno ishi pilo, ‘Babylon ye hitoi pütsüqhive nani, I no li shou kütsakungo süghi niye akeu ghenguno eno ithughi move nani eno panongu kümtsü püghave nani.’” Jeremiah tsa hileno kishekhave ani.

MALAKI 2:10

Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

XAKUTHAMI 2:10

Eno tipa tiqhelimi kümtsü thi khave no tipa shelo ipeghi keu tiqhelimi ye Ampeu mtha eno Ampeu no Israel ghenguno kiu mlatsü keno mthae.

AHOLE 12:5

Amikuchomi kükümsü ye achipiu ke ikemu kixikilamiw mijekütsü ye pishikiqhi likhie.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”