JEREMIYA 9:14 - Sumi Naga CL (Re-edited) Bible (BSI)

¹⁴ ikemu panongu no kuthovi ghi pano pulou pape wuve eno pano puasüqo no shika ketoi Baal lhouqo pape wuve.

BAIBEL (BSI)

¹⁴ Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

JEREMIYA 9:14 Referans Kwoze

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

1 Peter 1:18

kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

Galatiami 1:14

Jewmi chine lo niw timi I qhesho kutomo gholo ni ye azüu shiche, ni puasüqo no pekishe chekeu khuaye lo ighono amlo tsüqhiyi cheke.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

JEREMIYA 2:23

No ye kishino ‘Ni ye Baal lhouqo lau wu püamo ke kitiqe mphi,’ ipini kea? Akhila lo o laghi julo; nono kiu mlave akeno ithilo, sayeshi lhothe no ngosümla no hile hule powu aketoi,

JEREMIYA 11:8

Tishimu panongu no agholumo eno pano kinimu kughopuwo moe, ikemu kümtsü no pano mlo lhoksa lo kuthovi auve. I no panoqo pelo pelu penike azah tsü kemu panongu no pemo kehu puloshoqhi lo müsüini keu kümtsü panongu shou puku tsüe.”

JEREMIYA 13:10

Lhoksa kügha timiqo, I tsa chilumo keqo, khunono kuthovi ghi pano mlo ghola hawuve eno alhou kütauqo huthu no mlla nike pape wuve keno chighichephi avehu kühave ketoi shivetsü nani.

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 23:27

Asamo lakhi no lakhi vilo lhe aye, pano puasüqo no Baal kümlla vecheo I je kümsümave ketoi, Iw timiqo ghi I je kümsümave nanie pi panongu no kümsü cheni.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

JOB 9:18

Atuthukishe do mu I tsümono Pa no kukhukimji pesü I tsüke.

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

JEREMIYA 23:15

Ikehu aqokitikhi MPEU no tungkupmi vilo ishi piani: “I no khumtsai keu chuqupu pesü panongu lojini eno tüghü zü pesü ye penike panongu piyeni, kughengu Jerusalem tungkupmi launo Alhou kümtha khuaye ayeghi kümtsü lo wuvae.”

AKUMLO 3:15

Pa no akukhu pesü I shepichhi; kukhukimji pesü I ghapiqi tsü.