JEREMIYA 9:10 - Sumi Naga CL (Re-edited) Bible (BSI)

¹⁰ “I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

BAIBEL (BSI)

¹⁰ Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

JEREMIYA 9:10 Referans Kwoze

JEREMIYA 12:4

Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

HOSIYA 4:3

Tighenguno ayeghi no mloqa, tile küxümi kümtsü no iju ani, aghasa lo tüghashi ngo atsütsü lo aghauqo eno azüghi lo akhaqou ghi haukhavae.

EZEKEL 33:28

I no ayeghi pesü küghüküghalei amekühave tsü nani, li kumto qheküza kishekhave tsü nani, eno Israel lo naghutoqo agha itsüvepe nani tishikeu lono khumu katha move nani.

EZEKEL 29:11

Khuu pukhu nomu tipau katha wumo nani, eno kiu tüghashi pukhu nomu ti katha wumo nani; ti ye ampe lhobidi ghenguno küghüna move nani.

EZEKEL 14:15

“Tsala I no tüghashi pelo ayeghi hipau lo ighipe no tipaqo no kütsave eno küghüküghaleive tsü aye, eno tüghashiqo ghenguno timi khumu kathasü wumo aye,

JEREMIYA 12:10

Ambekhemi kutomo no I tsailu kütsavae; panongu no I lu qolevae; I no amloqi chekeu lu panongu no yenguyi qhive tsüae.

JEREMIYA 7:29

“‘O sa tsave no pevelo; atoghi lono mloqa lo, kughengu Ampeu no Pa loghu lono hipa tiqheli milive no phevae.’

AKUMLO 2:11

Ni ye qakeno anhebo khoivae; I po no tsüghü minhe anie; Iw timi nga kütsave keu; aphughi laghila lo angakughunu eno itimiqo no thiqhi akeu ghenguno I tithizü ye ayeghi lo ijiqi ani.

AKUMLO 1:16

“Hipaqo ghenguno I no qa ani; I nhethi lono anhezü qole ani; kughengu aloinokütsüu, I ghungu püxü tsünikeu ye putou wuvae; I nuliqo ye küghüküghaleivae kughengu aghümi no toluvae.”

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

JEREMIYA 14:6

Aghalo khurhaqo no atoghi kümsa lo puthugho; aghalo tsüqo toi atuthu shekukuno; asütsüni kühave kehu pano nhethi no ithumlave.

JEREMIYA 8:18

I lokivi ye chevae; amloksa I shou ikughi ani; I mlo no aghime shi ani.

JEREMIYA 2:6

Panongu ye ishi pimoe, ‘Egypt yeghi lono ningu saipeghi no yenguyi ke-a, asayeqha eno anhepho yeghi lo, züha yeghi eno aküzü kutho khunomu kathamo eno küghüna mokeu yeghi lo ni sawu keu Ampeu khile ani kea?’

ISAIAH 49:19

“Mtsüqheino no ye ixapinyi eno küghüvae eno o ghakhu ye kütsalevae. Ikemu itehi tile küghünani kemi ye ngozüla nani, eno nongu kütsakungo keqo ye putosüu wuve nani.

ISAIAH 41:15

Julo, I no o pesü ashu kithe, mtsüsüi eno tsüghaminhei keu athi kütsüghütu shi nani, nono naghutoqo tsüghü eno kubopinyi nani, eno atoghiqo amuu toi shivetsü nani;

JEREMIYA 50:3

“Ahuu no shiye lakhi Babylon lenike ighi ani, tino li pesü küghüve tsü nani, eno khunomu tile küghüna move nani; timi ngo lhoxü kümtsü pove nani.

EZEKEL 27:2

“Timi nu, no ye Tyre shou akumlo le phelo,

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

JOYIL 1:19

O Ampeu, I no O ku anie. Kughengu ami no yenguyike-a lo achu kümza-a pitive tsüae, eno ami mili no aluza lo asübo kümtsü pitileve tsüae.

AMUS 5:1

I no nongu shou akumlo tsa hipau pipuku akeu inilo, O Israel lo küami:

AMUS 5:16

Tighenguno Ampeu, aqokitikhi Lhou, no ishi piani: “Aphughi kuchopu mloqa nani, eno alaghila kümtsü lo, ‘Aha! Aha!’ ipi igha nani. Panongu no alu kichimi eno akumlo lo aqe kiqemi kusü püzü mloqape nani,

MICAH 2:4

Tipani panongu no nongu müsü kutho keu le phe eno kukhukimji shi qa nani, eno, “Ningu ye shishe kütsavae; Pa no Iw timi saje kilive tsüae; kishi Pa no I launo ti ikhipe wuvetsü akelae! Pa no ni luzaqo pesü pülümo kemi tsüvae,” ipi nani.

JEREMIYA 2:15

Abongshuu no igha pa kichi; panongu no ighono ighae. Panongu no pa yeghi pighive tsüe; pa phughiqo ye ixapinyi, küghünani kemi kühae.

JEREMIYA 12:11

Panongu no pighive tsüae; küghüküghai tino I lau mlo ani. Ayeghi kuchopu yenguyivae, ikemu khunomu amlo ighimoe.

AKUMLO 5:18

Zion Toghi khikhi pighive akeno tüngtüghaqo no tile iqhoiqi ani.

EZEKEL 6:6

Nongu no khile khilemu küghüna keu mishighünaqo ye shipüsave nani eno qhemghaike-aqo ye kütsave nani, ikehu nongu kümlla khacheqo ye shipüsa eno kütsave nani, no julhoqo ye kubove eno kütsave nani, now axokütsüngü kiptia hephove nani eno nongu kümlaqo shipühave nani.

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.